İlk dəfə Fransada aşkarlanan “NB.1.8.1” adlı yeni “COVİD-19” ştammı, Çin və Honq Konqda yoluxmaların artmasından sonra Avropaya da yayılıb. Mütəxəssislər “immunitet sistemini aşmaq” variantının mümkünlüyü barədə xəbərdarlıq edirlər. Hələlik həyəcan siqnalı verilməyib, lakin risk artır.Daha əvvəl Fransada görülməyən “NB.1.8.1” adlı yeni “COVİD-19” variantı ölkədə ilk dəfə 2025-ci ilin martında aşkar edilib. İndiyə qədər təsdiqlənmiş 4 hadisə var. Aşkarlanmanı Liondakı Milli İstinad Mərkəzi təsdiqləyib.
Fransaya gəlməzdən əvvəl bu variant Çinin cənubunda və xüsusən Honq Konqda hadisələrin böyük artmasına səbəb olmuşdu. Mütəxəssislər variantın yayılma sürətini və struktur xüsusiyyətlərini diqqətlə izləyirlər.
***
Çindən sonra Tayvan kimi digər Asiya ölkələri də təcili yardıma müraciətlərin və ölüm hallarının artdığını bildirirlər. ABŞ-ın CBS kanalının məlumatına görə, variantın öldürücü və yoluxuculuğu bəzi bölgələrdə narahatlıq yaradan səviyyəyə çatıb.
Avropada variantın genetik ardıcıllığı Almaniya, İrlandiya, İspaniya, Hollandiya, İsveç kimi digər Avropa Birliyi ölkələrində rast gəlinib.
Bununla belə, Avropada halların sayı hələ də aşağıdır.
***
Variantın ən diqqətçəkən xüsusiyyəti onun “immun qaçış” potensialıdır. Başqa sözlə, immunitet sisteminin hətta daha əvvəl “COVİD” keçirmiş və ya peyvənd olunmuş insanlarda da onu keçə bilməsi riski var. Bu, variantın yenidən yoluxma ehtimalını artırır.
***
Avropa Xəstəliklərin Qarşısının Alınması və Nəzarəti Mərkəzi (ECDC) “NB.1.8.1 “variantını hələlik “xüsusi monitorinq altında” saxlayır. ECDC-yə görə, “variantın tirajı hazırda Avropada aşağıdır, lakin artım potensialına malikdir”.
Fransada yeni tədbirlər və həyəcan siqnalları yoxdur. Bununla belə, həssas qruplar üçün ehtiyat tədbirləri görməyə çağırışlar artıq başlayıb.
çap et