Tramp sülh ümidini itirdiyi üçün Putinə qarşı mövqeyini sərtləşdirir. ABŞ prezidenti Moskvaya qarşı yeni sanksiyalar hazırlayarkən, Rusiya indiyədək Ukraynaya qarşı ən böyük hücumunu həyata keçirib.
Donald Tramp “dost” hesab etdiyi Rusiya prezidenti Vladimir Putinlə əlaqələri kəsir. Rusiyayönlü bəyanatlarına görə tənqid edilən Tramp indi də Rusiyaya qarşı sanksiyalar hazırlayır.
İlk dəfə vəzifəyə başlayanda Vladimir Putinlə şəxsi münasibətlərinin üç ildir davam edən Rusiya-Ukrayna müharibəsini həll edəcəyinə inanan Tramp indi Moskvaya qarşı yeni sanksiyalar tətbiq etməyi düşünür.
Trampın dünən Putin haqqında “O, həddən artıq çox insan öldürür. Ona nə baş verdiyini bilmirəm. Putin tamamilə dəli olub” deməsi Kremlə qarşı səbrinin tükəndiyini göstərir.
***
ABŞ prezidenti Putinin Ukraynanın uzun müddətdir dəstəklədiyi 30 günlük atəşkəsdən imtina etməsindən narahat olduğunu bildirib. Trampın sülh danışıqlarına yanaşması da sürətlə dəyişir. Ona yaxın olanların fikrincə, Tramp diplomatik həllə ümidini itirsə, prosesi tamamilə bitirə bilər.
Tramp Putinin ona bir jest edəcəyinə inanırdı, lakin keçən həftəki telefon danışığında razılığın əldə edilməməsi bu inamı sarsıtdı.
Bildirilib ki, o, dərhal sonra verdiyi açıqlamada bu sözləri deyib: “Putin həqiqətən sülh istəmir”.
***
Rusiya Trampın tənqidlərinə cavab olaraq, Ukraynaya bu günə qədər ən intensiv hücumunu həyata keçirdi. Dünən səhər tezdən başlayan əməliyyatda 350-dən çox pilotsuz uçuş aparatı və ən azı 9 raketdən istifadə edilib. Bu inkişaf Trampın Moskvaya qarşı daha sərt tədbirlər görməsinə çağırışları gücləndirib.
Digər tərəfdən, Almaniya, Fransa və İngiltərə kimi ABŞ-ın müttəfiqləri Ukraynanın Rusiya daxilindəki hədəfləri Qərb istehsalı olan silahlarla vurmasına yol açan qərara imza atıblar.
çap et