Ötən həftə hökumətin göstərişi ilə Fransa kəşfiyyatının “Fransada Müsəlman Qardaşlığı və Siyasi İslam” hesabatını dərc etməsindən sonra ölkədə hicab qadağası yenidən gündəmə gəlib.Fransa prezidenti Emmanuel Makronun “Rönesans” Partiyasının baş katibi və keçmiş baş nazir Qabriel Attalın 15 yaşından kiçik qızlara hicab taxmağı qadağan etmək çağırışı hakim partiyanı parçalayıb.
“Le Parisien” qəzeti mayın 20-də yazıb ki, Attal “siyasi İslam”la mübarizə çərçivəsində 15 yaşından kiçik qızların ictimai yerlərdə hicab taxmasının qadağan edilməsi təklifini irəli sürəcək.
Təhsil naziri Elizabet Borne mayın 25-də BFMTV-yə deyib ki, Attalın təklifinin konstitusiyaya uyğunluğu ilə bağlı ciddi şübhələri var.
***
Dünən paytaxt Parisdə keçirilən tədbirdə çıxış edən Attal azyaşlıları hicab taxmağa məcbur edənlər üçün yeni cinayət tərifinin yaradılmasını təklif edib və qızları bu “dini simvolu” taxmağa məcbur edən valideynlər və ya onların ailə üzvlərinə qarşı cəza tədbirlərinin görülməsini istəyib.
Keçmiş baş nazir Attal da “separatizm”lə mübarizə üçün yeni hüquqi tənzimləmə gözləntilərini ifadə edib.
Bu gün səhər saatlarında BFMTV-də qonaq olan baş nazir Fransua Bayruya hicab qadağası ilə bağlı Attalın təklifi ilə bağlı sual verilib.
Bayrou, sələfi Attalın bu təkliflə nə demək istədiyini anlamadığını ifadə edərək, “Bunu necə edəcəksən? Polis küçədə bir qıza “yaşın çatırmı?” və “Mənə şəxsiyyət vəsiqənizi göstərin?” deyərəkmi“, – deyib.
Digər tərəfdən, daxili işlər naziri Bruno Retayo dünən “Müsəlman Qardaşlar”la mübarizə çərçivəsində atılacaq addımları təqdim edib.
Retayo, Milli Kəşfiyyatın direktoru Bertran Şamulonun “islamizm”lə mübarizəni koordinasiya etmək üçün baş kəşfiyyatçı təyin edildiyini açıqlayıb.
Fransa Respublikasının prinsiplərinə zidd olan xarici paylaşımlara daha çox nəzarət edilməsi lazım olduğunu bildirən Retayo, 2026-cı il bələdiyyə seçkiləri üçün namizəd siyahıları ilə bağlı daha ehtiyatlı davranılacağı gözləntisini dilə gətirib.
***
Hökumətin göstərişi ilə hazırlanan “Fransada Müsəlman Qardaşlar və Siyasi İslam” adlı hesabatda Fransada 139 ibadət yerinin və bir müddət əvvəl ictimai dəstəyi kəsilən müsəlmanların oxuduğu bəzi özəl məktəblərin “Müsəlman Qardaşlar Hərəkatı” ilə əlaqəsi olduğu iddia edilir.
Ölkə üzrə 21 məktəbdən 18-nin birbaşa, 3-nün isə dolayısı ilə hərəkata bağlı olduğu iddia edilən hesabatda, “Müsəlman Qardaşlar”ın Fransa quruluşunu Avropadakı digər strukturlarından fərqləndirən cəhətin təhsil sektoruna üstünlük verməsi olduğu iddia edilib.
Hesabatda Fransada Quran kursları ətrafında qurulan “ekosistemlərin” və müsəlmanların ictimai həyat və hərəkətlərinin “Müsəlman Qardaşlar” hərəkatının bir elementinə çevrildiyi iddia edilib.
çap et