Ukraynanın Kramatorsk şəhəri yaxınlığında separatçılarla ordu qüvvələri arasında gərgin döyüşlər gedir. «Axar.az» xəbər verir ki, bu barədə Ukrayna Hərbi-Siyasi Araşdırmalar Mərkəzinin rəhbəri Dmitri Tımçuk «Facebook» səhifəsində yazıb.
«Saat 13 radələrində Kramatorskun 20 kilometrliyində Ukrayna Silahlı Qüvvələrinin 95-ci aeromobil briqadasının bölmələri separatçıların mühasirəsinə düşüb. Məlumata görə, terrorçular döyüş sursatı aparan yük maşınını qumbaraatanla vurublar, bundan sonra döyüş başlayıb», - deyə Tımçuk bildirib.
Tımçuk bildirib ki, Kramatorskdan avtobusla 30-40 döyüşçü köməyə gəlib. Helikopterlər vasitəsilə də mühasirədə olanlara desant göndərilib. Ukrayna hərbçiləri arasında ölən və yaralananların olduğu bildirilir. Separatçıların itkiləri barəsində məlumat yoxdur. çap et