Neft OPEC+ komitə iclası öncəsi səhmlərlə bərabər bahalaşıb. İnvestorlar ABŞ-ın Rusiyaya qarşı yeni sanksiyalarının mümkünlüyünə diqqət yetirirlər.“Brent” markalı neftin qiyməti dünənki günü 1 faiz ucuzlaşma ilə bağladıqdan sonra, bu gün bir barel üçün 65 dollara yüksəlib. ABŞ xam nefti 61 dollardan yuxarı satılır. Bazarın inkişafını izləyən Birgə Nazirlər Monitorinq Komitəsinin (JMMC) bu gün iclas keçirməsi planlaşdırılır. Səudiyyə Ərəbistanının rəhbərlik etdiyi qrup daha sonra iyul ayı üçün hasilat siyasətini təyin etmək üçün şənbə günü görüşəcək.
Nümayəndələr bildiriblər ki, üzvlər keçən həftə ardıcıl üçüncü ayda əsas hasilat artımı ilə bağlı ilkin danışıqlar aparıblar.
OPEC və müttəfiqləri tərəfindən dayandırılmış hasilatın yenidən açılması təklifin həddindən artıq olması ilə bağlı narahatlıqları artırıb və qiymətlərə təzyiqi artırıb.
“Qisheng Futures”in analitiki Qao Cian, “Xam neftin fundamental dinamikası hələ də ciddi təzyiq altındadır. Erkən yüksəliş makro risk iştahasının yaxşılaşması ilə bağlı ola bilər”, – deyib.
çap et