ABŞ-ın indiki və keçmiş prezidentlərinin mühafizəsinə cavabdeh olan Məxfi xidmətin iki zabitinin Demokratlar Partiyasından olan keçmiş prezident Barak Obamanın evinin qarşısında əlbəyaxa dava etdiyi məlum olub. Hadisədən sonra iki məmur vəzifəsindən uzaqlaşdırılıb.“Fox News”un məlumatına görə, hadisə yerindən görüntülərdə uniformalı zabitlərin birinin digərini hədələyərək döyüşdüyü görünür.
***
Ötən həftə Obamanın Vaşinqtonun paytaxtı Vaşinqtondakı evinin qarşısında baş verdiyi bildirilən davanın internetdə yayılan səs yazısında məlum olub ki, iki Məxfi xidmət zabiti mayın 21-də yerli vaxtla saat 02:30 radələrində Obamanın iqamətgahı qarşısında olub və zabitlərdən biri rəisinə zəng edərək ondan gəlməsini istəyib.
Səs yazısına əlavə olaraq, çərşənbə axşamı “RealClearPolitics” saytı tərəfindən yayımlanan videoda qadın zabitlərin bir-birini vuraraq itələdiyi əks olunub. Qadınlardan biri rabitə vasitəsilə, “Bu qıza həyatı başa salmazdan əvvəl mənə dərhal nəzarətçi lazımdır”, – deyib.
***
Məxfi xidmət də “Fox News Digital”a verdiyi açıqlamada davanı təsdiqləyib. Agentliyin sözçüsü, "Bu insidentdə iştirak edən şəxslər saxlanılıb, bu məsələ daxili araşdırmadadır. Məxfi xidmətin bütün işçilərə şamil olunan çox ciddi davranış qaydaları var və bunları pozan hər hansı hərəkət qəbuledilməzdir”. Sözçü bunun kadr məsələsi olduğunu deyib: “Biz bu məsələ ilə bağlı əlavə şərh vermək iqtidarında deyilik”. İki zabit arasında davanın hansı səbəbdən baş verdiyi məlum deyil.
çap et