Bremendə çalma geyinən siqh polisi Almaniyada növbəti dəfə neytrallıq və dini simvollar məsələsini gündəmə gətirib.Bremen şəhərində dini inanclarına uyğun çalma geyinərək polis təhsili alan namizəd Almaniyada dövlət xidmətlərində neytrallıq anlayışını bir daha gündəmə gətirib. Sıx inancının mənsubu olan Caspinder Sinqhin andiçmə mərasiminə çalma taxaraq qatılması dövlət məmurlarının dini simvollar taxmasının məqsədəuyğunluğu ilə bağlı müzakirələri qızışdırıb.
***
Polis təhsilinə başlayan Caspinder Sinqh, siqh inancının tələbi olaraq başına çalma taxır. Sinqhə görə, bu simvol təkcə dini bir vəzifə deyil, həm də nizam-intizam və vəzifəyə sədaqət təmsilçisidir. Onun çalma taxaraq qatıldığı andiçmə mərasimi həm dəstək, həm də tənqid toplayıb.
SPD-dən Kevin Lenkeit bəyan edib ki, dini simvollar geyinən dövlət məmurları neytrallıq prinsipini pozacaq. Lenkeit vurğulayıb ki, bu prinsip bütün dövlət işçilərinə şamil edilməlidir. Digər tərəfdən, Yaşıllar Partiyasından Maykl Labetzke, Sinqhin görünüşünün polis idarəsinin cəmiyyətin müxtəlif təbəqələri ilə əlaqələr qurması üçün əhəmiyyətli bir addım olduğunu söylədi.
***
Hadisə Almaniyada dövlət xidmətində dini simvolların istifadəsi ilə bağlı mövcud qanunların və təcrübələrin nəzərdən keçirilməsinə səbəb olub. Sinqhin vəziyyəti oxşar dini inanclara malik şəxslərin dövlət vəzifələrində simvollar taxmasına tələbi artıra və neytrallıq prinsipinin necə şərh edilməsinə dair yeni müzakirələrə qapı aça bilər.
çap et