ABŞ Beynəlxalq Ticarət Məhkəməsi prezident Donald Trampın digər ölkələrə tətbiq etdiyi tariflərdə qanuni səlahiyyətlərini aşdığına qərar verib və bu tariflərin tətbiqini əngəlləmək qərarına gəlib.Məhkəmə ABŞ prezidenti Trampın digər ölkələrdən idxal etdiyi mallara tətbiq etdiyi gömrük rüsumları ilə bağlı bəzi özəl şirkət və ştatların hökumətə qarşı qaldırdığı iddiada qərarını açıqlayıb.
Qərarda qeyd olunub ki, qarşılıqlılıq prinsipinə əsaslanan tariflər gömrük rüsumları vasitəsilə idxalı tənzimləmək üçün Donald Tramp Beynəlxalq Fövqəladə İqtisadi Səlahiyyətlər Aktı (IEEPA) əsasında ona verilən səlahiyyətləri aşıb.
Qərarda bildirilmişdir ki, Konstitusiya ticarəti tənzimləmək və vergi tətbiq etmək səlahiyyətini yalnız Konqresə verir və mübahisəli tarif qərarlarının ləğv ediləcəyi və onların icrasının daimi olaraq bloklanacağı bildirilir.
ABŞ mətbuatında çıxan xəbərlərdə Tramp administrasiyasının məhkəmənin qərarından apellyasiya şikayəti verdiyi bildirilib.
ABŞ prezidenti Tramp aprelin 2-də “Azadlıq Günü” kimi xarakterizə etdiyi fərman imzalayıb və bu fərman ABŞ-ın ticarət tərəfdaşlarına qarşılıq əsasında tariflərin tətbiqini nəzərdə tutur.
Əsas tarif dərəcəsinin yüzdə 10 olacağını açıqlayan Tramp, ölkələrin tətbiq etdiyi tarifləri və qeyri-tarif maneələrini nəzərə alaraq, ölkələrə görə dəyişən gömrük rüsumları dərəcələrini paylaşıb.
çap et