ABŞ prezidenti Donald Tramp gündəmlə bağlı açıqlamalarında Rusiya-Ukrayna müharibəsinə toxunub.
Rusiya prezidenti Vladimir Putinin müharibəni bitirmək istəyib-istəmədiyi ilə bağlı heç nə deyə bilməyəcəyini ifadə edən Tramp, “Bizimlə oynamağa çalışsa, fərqli reaksiya verəcəyik”, – deyib.
Tramp Ukraynadakı hadisələrin “məyusedici” olduğunu və lazım gələrsə, Putin və Zelenski ilə görüşə biləcəyini deyib.
***
Ukraynadakı müharibəyə görə Rusiyaya qarşı yeni sanksiyalar tətbiq etməkdə tərəddüd etdiyini bildirən Tramp sanksiyaların atəşkəsin qarşısını almasını istəmədiyini bildirib: “Əgər razılığa gəlməyə yaxın olduğumu düşünürəmsə, onu sanksiyalarla məhv etmək istəmirəm”.
***
ABŞ prezidenti İranla davam edən nüvə danışıqlarına da toxunaraq, danışıqların yaxşı getdiyini bildirib.
Tramp həmçinin bildirib ki, İsrailin baş naziri Benyamin Netanyahuya İrana hücum etməməsi barədə xəbərdarlıq edib və Tehranla nüvə sazişi müzakirələri davam edərkən belə bir addımın “uyğun olmayacağını” bildirib.
Tramp, “Düzünü desəm, bəli, etdim. Ona dedim ki, hazırda bunun uyğun olacağını düşünmürəm”.
***
Harvard Universiteti qəbul etdiyi beynəlxalq tələbələrin sayını 15 faizlə məhdudlaşdırmalı olduğunu söyləyib və “Ivy League” məktəbi mövcud beynəlxalq tələbələr siyahısını rəhbərliklə bölüşməlidir.
Tramp deyib: “Harvard özünü qaydaya salmalıdır. Onlar ölkəmizə böyük hörmətsizlik göstərirlər və etdikləri hər şey daha da pisləşdirirlər”.
çap et