ABŞ-ın 16 ştatının baş prokurorları Tramp administrasiyasının maliyyə vəsaitlərinin kəsilməsinə və Milli Elm Fonduna (NSF) yeni məhdudiyyətlər qoymasına qarşı federal məhkəməyə iddia qaldırıb.Nyu-Yorkun baş prokuroru Letitia Ceyms başda olmaqla 16 ştatın baş prokurorları bəyan ediblər ki, Tramp administrasiyası Milli Elm Fondundan tədqiqatların maliyyələşdirilməsini məhdudlaşdırmaq və müxtəliflik proqramlarını ləğv etmək səlahiyyətinə malik deyil.
Nyu-York Baş prokuroru Ceyms, “Tramp administrasiyasının elmə hücumları və STEM-də müxtəlifliyi təmin etmək səyləri iqtisadiyyatımızı və milli təhlükəsizliyimizi sarsıdacaq. Siyasəti elmdən üstün tutmaq ölkəmizi yalnız geri qaytaracaq”, – deyib.
Milli Elm Fondunun məlumatlarına görə, Tramp administrasiyasının siyasəti nəticəsində 1700-dən çox qrant proqramı ləğv edilib və kəsilən vəsaitin məbləği 1,4 milyard dollara çatıb.
çap et