Tramp administrasiyası federal məhkəmənin digər ölkələrə tətbiq edilən tarifləri bloklamaq qərarının dayandırılmaması halında sabah Ali Məhkəməyə müraciət edə biləcəyini bildirmişdi.ABŞ-ın apellyasiya məhkəməsi Trampın tariflərinin hələlik qüvvədə qalmasına icazə verib. Tramp administrasiyası ABŞ Beynəlxalq Ticarət Məhkəməsinin dünən verdiyi qərarın hökumətin diplomatiyasına zərər verdiyi və Trampın səlahiyyətinə müdaxilə etdiyi səbəbi ilə etiraz etmişdi.
Apellyasiya məhkəməsinə verilən müraciətdə qeyd olunub ki, sözügedən qərar Prezidentin əlini ciddi şəkildə məhdudlaşdırmaqla və davam edən danışıqlar üçün əsasları zəiflətməklə onlarla ölkə ilə davam edən danışıqları təhlükə altına alıb.
Apellyasiya şikayətində qərarın icrasının dayandırılmasını tələb edən ABŞ rəhbərliyi, apelyasiya məhkəməsinin ən azı müvəqqəti saxlama qərarı vermədiyi təqdirdə, düzəldilməz milli təhlükəsizlik və iqtisadi zərərin qarşısını almaq üçün sabah Ali Məhkəməyə müraciət etməyi planlaşdırdığını açıqladı.
ABŞ Beynəlxalq Ticarət Məhkəməsi Trampın digər ölkələrdən idxal etdiyi mallara tətbiq etdiyi tariflərlə bağlı bəzi özəl şirkətlər və ştatların hökumətə qarşı açdığı iddia ilə bağlı qərarını açıqlayıb.
Qərarda qeyd olunub ki, qarşılıqlılıq əsasında tariflər gömrük rüsumları vasitəsilə idxalın tənzimlənməsi üçün Beynəlxalq Fövqəladə İqtisadi Səlahiyyətlər Aktı (IEEPA) ilə prezidentə verilən səlahiyyətləri aşır.
Qərarda deyilirdi ki, Konstitusiya yalnız Konqresə ticarəti tənzimləmək və vergi tətbiq etmək səlahiyyətini verir və etiraz edilən tarif qərarlarının ləğv ediləcəyi və onların icrasının daimi olaraq bloklanacağı bildirilir.
çap et