Fransada siqaret qadağalarına yenisi əlavə edilir. Səhiyyə naziri Ketrin Vautrin ölkə daxilində bir çox yerlərin tüstüdən azad zona elan ediləcəyini açıqlayıbı. “Uşaqların olduğu yerdə siqaret çəkilməməlidir”, – deyən nazir elektron siqaret məhsullarında nikotin miqdarını azaltmağı və ləzzət çeşidini azaltmağı da hədəfləyir.
Fransada siqaret çəkənləri yaxından maraqlandıran yeni qadağa 1 iyul 2025-ci ildə qüvvəyə minəcək. Əmək, Səhiyyə, Həmrəylik və Ailə Naziri Ketrin Votrinin Ouest-France qəzetinə verdiyi açıqlamada elan etdiyi qanuna görə – hansı ərazilərdə siqaret qadağan olunacaq?
çimərliklər,
parklar və ictimai bağlar,
məktəb əraziləri,
avtobus dayanacaqları,
idman sahələri,
obyektlər
Bu qərar ölkə miqyasında qüvvədə olacaq və bəzi bələdiyyələrin əvvəllər tətbiq etdiyi yerli qadağaları ölkə səviyyəsinə çatdıracaq.
Yeni qadağalar yalnız klassik tütün məmulatlarını əhatə etsə də, elektron siqaretlər bu qadağadan azaddır. Bununla belə, nazir Vautrin elektron siqaretlərlə bağlı yeni qaydalar da hazırlayır. Məqsəd nikotinin miqdarını azaltmaq və müxtəlif ləzzətləri məhdudlaşdırmaqdır.
***
Nazir Vautrin qərarın arxasında duran ən mühüm səbəbi açıqlayarkən, “Uşaqların olduğu yerdə siqaret olmamalıdır. Siqaret təkcə fərdi problem deyil, həm də sosial fəlakətdir”, – deyib.
***
Fransada hər il 75 min insan siqaretə bağlı xəstəliklərə görə həyatını itirir. Bu, gündə orta hesabla 200-dən çox ölüm deməkdir. Nazir Vautrinin sözlərinə görə, bu vəziyyət təkcə sağlamlıq baxımından deyil, həm də iqtisadi baxımdan böyük yük yaradır: “Xərçəngin illik xərci 150 milyard avrodur. Səhiyyə sistemimizin bu yükü daşımaq artıq asan deyil”.
18 yaşından kiçiklər üçün elektron siqaretin qadağan edilməsi və ya kafe terraslarında içki içilməsinin qadağan edilməsi kimi əlavə tədbirlərin gündəmdə ola biləcəyini ifadə edən Vautrin, “Gələcək üçün heç nəyi istisna etmirəm”, – deyib və tənzimləmələrin davam edəcəyi mesajını verdi.
çap et