ABŞ-ın Nyu-York şəhərində gəzintiyə çıxan iki nəfər onların qrupundan üçüncü şəxsin öldüyünü bildirib. Mühafizəçi itkin düşdüklərini deyən iki nəfəri xilas etməyə gedərkən onların yedikləri halüsinogen göbələklərin təsiri altında olduqları və üçüncü şəxsin öldüyünü yalnız təsəvvür etdikləri anlaşılıb.BBC-nin məlumatına görə, park rəsmiləri nə ölən, nə də xəsarət alan üçüncü səyahətçinin də həmin vəziyyətdə olduğunu bildirdi.
***
Hadisə mayın 24-də Nyu-Yorkdakı Kaskad dağında baş verib. Gəzinti zamanı üçüncü şəxs də 911-ə zəng edərək kömək istəyib. Lakin deyilənlərin əksinə olaraq o, xəsarət almayıb və ölməyib. Üçüncü şəxsə düşərgəni qalmağa icazə verilib, digər iki nəfər isə polis bölməsinə aparılıb.
İki piyada bu barədə 911-ə məlumat verdikdən sonra mühafizəçi iki nəfəri tapdı. İki piyada daha əvvəl bir məmura itkin düşdüklərini demişdilər. Mühafizəçi halüsinogen göbələk yediyi təxmin edilən iki nəfəri ərazidə gözləyən təcili yardıma aparıb və Nyu-York əyalət polisinə təhvil verib. Ölmədiyi anlaşılan üçüncü şəxs isə düşərgəyə geri aparılıb.
Mətbuatda əksini tapan bülletenlərdə və xəbərlərdə 3 nəfərin adı yer almayıb, barələrində qanuni tədbir görülüb-görülmədiyi bəlli deyil. Nyu-Yorkda halüsinogen göbələklərin istirahət məqsədilə istifadəsi qadağandır.
çap et