Yeməklərin vazkeçilməz hissəsi olan soğan doğrayanda kimin gözü yanmır ki? Alimlər ola bilsin ki, bu problemin qalıcı həllini tapıblar.
Dalğıc eynəyi taxmaq, göz altına salfet qoymaq, gözləri qıymaq... Soğan doğrayarkən göz yaşının qarşısını almaq üçün bir çox praktik üsullar sınanıb. Ancaq bu üsulların heç biri tam təsirli deyil. Bu səbəbdən Kornell Universitetinin alimləri mövzunu dərindən araşdırıblar. Və yaxşı xəbər budur: həqiqətən işləyən bir üsul var.
Araşdırmalara görə, soğanın gözü qıcıqlandıran kiçik maye damcıları iki mərhələdə ayrılır: Birincisi, xarici təbəqə daxili təzyiqlə tez partlayır. Daha sonra havaya buraxılan bu damcılar daha kiçik parçalara bölünərək gözlərə çatır.
Küt bıçaq daha çox göz yaşı deməkdir
Tədqiqatın daha bir diqqətçəkən nəticəsi doğranma üsulu ilə bağlıdır. Soğan küt bıçaqla və ya çox tez doğrandıqda daha çox və daha güclü qıcıqlandırıcı maddələr buraxır. Bu, gözlərdə yanma hissini artırır və daha çox göz yaşı tökür.
Bunun əksinə olaraq, kəskin bıçaq və yavaş doğrama tempi damcıların daha az və daha yavaş yayılmasına səbəb olur. Bu, göz qıcıqlanmasını əhəmiyyətli dərəcədə azaldır.
Mətbəxinizdə göz yaşları ilə vidalaşmaq istəyirsinizsə, etməli olduğunuz şey olduqca sadədir. İti bıçaqdan istifadə edin və aşpaz kimi tez doğramağa çalışmaq əvəzinə, idarə olunan və yavaş doğrama üsuluna üstünlük verin.
çap et