Avropa Birliyi (AB) və NATO üzvü olan Polşada təxminən 29 milyon seçici ölkəni 5 il təmsil edəcək yeni prezidentin müəyyənləşdirilməsi üçün səs verəcək.Mayın 18-də keçirilən və 13 namizədin mübarizə apardığı seçkinin birinci turunda ən çox səs toplayan mülki koalisiya qrupunun namizədi Varşava meri Rafal Tşaskovskiy və müxalifətdəki Hüquq və Ədalət Partiyasının namizədi, tarixçi Karol Navroçki sabah keçiriləcək ikinci turda mübarizə aparmaq hüququ qazanıblar.
Prezident seçkilərinin ikinci turu Polşada baş nazir Donald Tusk hökuməti ilə müxalifət arasında, xüsusilə AB münasibətləri, məhkəmə islahatları, abort qanunları və Rusiya-Ukrayna müharibəsi kimi mövzulardakı qarşıdurmaların kölgəsində keçiriləcək.
***
Seçkilərin ikinci turu mərkəzçi, liberal və AB tərəfdarı namizəd kimi tanınan Trzaskowski ilə mühafizəkar baxışları olan Navroçki arasında olacaq.
Son rəy sorğuları namizədlər arasında qızğın yarışın davam etdiyini göstərir.
Seçkilərin “bıçaq kənarında” olacağını göstərən sorğulara görə, qalib çox az səs fərqi ilə yarışı başa vuracaq.
Bir-birinə zidd fikirli iki namizədin yarışacağı bu seçki bəzi analitiklər tərəfindən “sivilizasiyaların toqquşması” adlandırılır.
Seçkilərin nəticələrinin ölkənin AB-dəki mövqeyi baxımından da kritik əhəmiyyət kəsb etdiyi bildirilir.
Gözlənilir ki, bu seçki nəticəsində Polşa ya AB-dəki yerini möhkəmləndirəcək, ya da daha çətin proseslərə qayıdacaq.
çap et