Almaniyada dəri xərçəngi hadisələri 2023-cü ildə rekord səviyyəyə çatıb. Mütəxəssislər insanları günəşdən qorunmağa və erkən diaqnoz qoymağa çağırırlar.Son illərdə ölkədə dəri xərçəngi diaqnozlarında nəzərəçarpacaq artım var. Barmer sağlamlıq sığortası təşkilatının məlumatlarına görə, qara dəri xərçəngi halları 2005-2023-cü illər arasında iki dəfə artaraq 2023-cü ildə 16.800-ə çatıb. Eyni dövrdə ağ dəri xərçəngi diaqnozu üç dəfədən çox artaraq 98 minə çatıb.
Ekspertlərin fikrincə, bu artımın arxasında həyat şəraiti və fərdi davranışlar mühüm rol oynayır. Xüsusilə uşaqlıq və yeniyetməlik dövründə yaşanan şiddətli günəş yanıqlarının dərinin qalıcı zədələnməsinə səbəb olduğu qeyd edilir. Lakin bu zərərin təsiri adətən daha sonrakı yaşlarda özünü göstərir.
Mütəxəssislər dəri xərçəngi riskini azaltmaq üçün mütəmadi olaraq dermatoloji müayinələrdən keçməli və günəşdən qorunmaq üçün təsirli tədbirlər görülməli olduğunu vurğulayırlar. Geniş spektrli günəş qoruyucuları bu tədbirlərin başında gəlir. Bununla belə, mütəxəssislər xatırladırlar ki, heç bir günəş kremi tam qoruma təmin etmir.
çap et