Avstriya kəşfiyyatı Qərbin sanksiyalarını “gecikdirməklə və yayınmaqla” hələ də aktiv olan İranın nüvə proqramı ilə bağlı yeni bir hesabat hazırlayıb. Hesabatda İslam İnqilab Keşikçiləri Korpusuna (SEPAH) bağlı bir casus şəbəkəsinin raket proqramının inkişafı və həssas texnologiyanın ötürülməsi üçün Avropadakı fabriklərdə fəaliyyət göstərdiyi müəyyən edilib.Avstriya kəşfiyyatının hesabatına görə, Tehran uzaqmənzilli nüvə başlıqları daşıya bilən raketlərin sayını artırmağa çalışır.
Hesabatda deyilir ki, İran kəşfiyyatı münaqişə bölgələrindəki əlaqələrindən istifadə edərək pilotsuz uçuş aparatlarını (PUA) söküb yenidən yığaraq Qərbin hərbi texnologiyasına daxil olmağa çalışır.
Avstriya rəsmiləri vurğulayıblar ki, İran öz silah proqramlarını dəstəkləmək və təcrübə qazanmaq üçün Avropanın həssas sənaye sektorlarında artan işçi qüvvəsi tələbatından istifadə edir.
Bu fəaliyyətlər Avropada İranın nüvə proqramının böyüməsi ilə bağlı narahatlıq yaradır. Belə ki, Vaşinqtonun tamamilə fərqli hesablamalarına baxmayaraq, İranın nüvə silahı cəhdləri davam edir.
çap et