Artan ticarət gərginliyi və geosiyasi gərginliklə yanaşı, Asiya fond bazarları və ABŞ fond fyuçersləri azaldı və investorlar qızıl kimi təhlükəsiz sığınacaq aktivlərinə üz tutdular. “MSCI Asiya Sakit Okean İndeksi” 1,1 faiz azalaraq bir aydan çox müddətdə ən kəskin gündəlik enişini qeyd etdi. “S&P 500” fyuçersləri 0,4 faiz ucuzlaşıb. “Bloomberg Dollar İndeksi” 0,1 faiz düşərkən, inkişaf etmiş ölkə valyutaları arasında Yapon yeni dollara nisbətdə yüksəlişlərə liderlik edib. Səhər saatlarında ABŞ istiqrazları dəyərini itirərkən, 10 illik gəlirlilik bir baza bəndi yüksəlib. Qızıl 0,6 faiz bahalaşaraq 3309 dollara satılıb.Çin ABŞ-ı son ticarət razılaşmasını pozmaqda ittiham edib və onun maraqlarını qorumaq üçün tədbirlər görəcəyini bildirib. Çinin Ticarət Nazirliyi bazar ertəsi ABŞ prezidentinin Pekinin keçən ay Cenevrə razılaşmasını pozduğuna dair iddiasını rədd edib. Tramp ötən həftə sonu Çin prezidenti Si Cinpin ilə görüşməyə ümid etdiyini, Ağ Evin iqtisadi müşaviri Kevin Hassett isə bu həftə Tramp-Si görüşünün gözlədiyini bildirib. Lakin qarşılıqlı ittihamlar danışıqlar və ticarət əlaqələri görüş potensialını poza bilər.
FED üzvü Kristofer Uoller ticarət qeyri-müəyyənliyinin FED-in faiz dərəcəsi yoluna necə təsir edəcəyi ilə bağlı ipuçları verdi. Uoller tariflərin işsizliyi artıra və müvəqqəti olaraq inflyasiyanı artıra biləcəyinə inandığını və faiz dərəcələrinin bu ilin sonunda azaldıla biləcəyini deyib. O, tariflərin "gələn aylarda" inflyasiyanı artıracağını, lakin inflyasiya gözləntiləri sabit qaldığı müddətcə siyasət təyin edilərkən qısamüddətli qiymət artımlarına göz yuma biləcəyini deyib. Uoller bu gün Seulda Cənubi Koreya mərkəzi bankının tədbirində, "Effektiv tarif dərəcəsinin mənim aşağı tarif ssenarim yaxınlığında sabit qaldığını, əsas inflyasiyanın 2 faizlik hədəfimizə doğru irəliləməyə davam etdiyini və əmək bazarının möhkəm qaldığını fərz etsək, mən bu ilin sonunda dərəcəsinin azaldılmasını dəstəkləyəcəyəm”, – deyib.
çap et