Ölkələr xaricdən gətirilən pullara nəzarəti gücləndirib. Əlcəzair 1000 avrodan yuxarı bütün bəyan edilməmiş pulları müsadirə edəcəyini açıqladı. Ölkə gömrüyü son vaxtlar sərhəd qapılarında valyuta nəzarəti ciddi şəkildə gücləndirilib. O cümlədən, qanunsuz maliyyə fəaliyyətinin qarşısının alınması məqsədilə xaricdən gələn sərnişinlərin daşıdığı nağd pullar ətraflı yoxlanılır. Bu çərçivədə aparılan yoxlamalarda Fransanın Lion şəhərindən gələn sərnişinin üzərində 9200 avro aşkar edilib.Pul müsadirə edilərkən, Əlcəzair səlahiyyətliləri transsərhəd maliyyə yoxlamalarının artmağa davam edəcəyini açıqladı.
***
Əlcəzairdə yeni qüvvəyə minmiş qanunlara görə, ölkəyə daxil olan hər bir sərnişin 1000 Avrodan çox nağd pul məbləğini rəsmi orqanlara bəyan etməlidir. Bu qayda çirkli pulların yuyulmasının və qeyri-qanuni maliyyə hərəkətlərinin qarşısını almaq üçün həyata keçirilir. Qaydaya əməl etməyən sərnişinlər pullarının tutulması və hüquqi/inzibati cəza ilə üzləşə bilərlər.
Son zamanlar Əlcəzair hava limanlarında valyuta nəzarəti gücləndirilib. Avro kimi beynəlxalq qüvvədə olan valyutaları hədəf alan nəzarətlərə xüsusi diqqət yetirilir. Səlahiyyətlilər vurğuladılar ki, bu cür nəzarətlər maliyyə sisteminin şəffaflığını qorumaq və vergidən yayınma ilə mübarizə aparmaq üçün vacibdir.
Səlahiyyətlilər sərnişinlərdən səyahətə çıxmazdan əvvəl valyuta daşıma qaydalarını öyrənmələrini və bəyannamə öhdəliyinə əməl etmələrini xahiş ediblər. Bundan əlavə, yeni məlumat kampaniyaları vətəndaşların bu məsələ ilə bağlı məlumatlılığını artırmaq məqsədi daşıyır.
çap et