Ağ Evin sözçüsü Karolayn Livitt mətbuat konfransında “ABŞ-ın göndərdiyi məktubun digər ölkələrə ticarətlə bağlı ən yaxşı təkliflərini təqdim etmələri üçün bu günə qədər vaxt verdiyi” xəbəri ilə bağlı sualı cavablandırıb.Xanım Livitt, Birləşmiş Ştatların Ticarət Nümayəndəliyinin (USTR) ofisinin ticarət tərəfdaşlarına tariflərlə bağlı razılığa gəlmək barədə son müddətin yaxınlaşdığını xatırlatmaq üçün məktub göndərdiyini və təkliflərini təqdim etmələrini xahiş etdiyini açıqladı.
Sözügedən məktubun məzmununu təsdiq edə biləcəyini söyləyən Livitt, “USTR bu məktubu bütün ticarət tərəfdaşlarımıza son tarixin yaxınlaşdığını xatırlatmaq üçün göndərdi” dedi.
Livitt xatırladıb ki, ABŞ-ın Maliyyə Naziri Skott Bessent, Ticarət Naziri Hovard Lutnik və Ticarət Nümayəndəsi Ceymison Qrir dünyanın bir çox mühüm ticarət tərəfdaşları ilə görüşüblər.
ABŞ prezidenti Donald Trampın yaxşı razılaşmalar gözlədiyini bildirən Livitt bu yolda irəlilədiklərini qeyd edib. Livitt, Qririn hazırda Parisdə ABŞ-ın bir çox ticarət tərəfdaşı ilə görüşdüyünü və razılaşmaların tezliklə açıqlanacağını bildirdi.
***
Çinin İsveçrədə əldə edilən müvəqqəti ticarət razılaşmasına necə əməl etdiyini izlədiklərini deyən Livitt, “ABŞ olaraq qoyduğumuz şərtlərə əməl etdiyimizi və rəsmilərimizin çinli həmkarlarımızla yazışmağa davam etdiyini bilirəm” dedi.
Leavitt bildirib ki, Tramp və Çin prezidenti Si Cinpin çox yaxında görüşəcək.
Trampın keçən həftə açıqladığı polad və alüminium tariflərinin yüzdə 50-yə qaldırılacağını bildirən Livitt, bu gün müvafiq fərmanın imzalanacağını qeyd edib.
çap et