Kaliforniya Universitetinin alimləri, xüsusilə qablaşdırılmış qidalarda olan zərif şəkərin bioloji qocalmanı sürətləndirdiyini açıqlayıblar.Bildirilib ki, tərkibində zərif şəkər olan qida məhsulları hüceyrələri zədələyir və xroniki iltihab yaradır.
Piylənmə, şəkərli diabet, qaraciyər və ürək xəstəliklərinə səbəb olmaqla yanaşı, xroniki iltihab da müxtəlif növ xərçəng riskini artıra bilər.
Son araşdırmalar göstərdi ki, işlənmiş qidalar amerikalıların gündəlik kalori qəbulunun 60 faizini təşkil edir. Şəkərli içkilərin, qablaşdırılmış çörəklərin, meyvəli qatıqların, səhər yeməyi taxıllarının, kolbasa və sosiska kimi işlənmiş ətlərin bioloji yaşlanmanı sürətləndirdiyi müəyyən edilib.
Qidalanma üzrə epidemioloq Marialaura Bonaccio bildirib ki, tərkibində zərif şəkər olan qidalar qidalanma baxımından qeyri-adekvat olmaqla yanaşı, şəkər, duz və doymuş yağlarla da zəngindir: “Emal edilmiş qidalar uzun müddətdə bədən üçün zəhərli maddələrin daşıyıcısına çevrilir, buna görə də onların müntəzəm istehlakı olduqca təhlükəlidir”.
çap et