Neapolun Kapodiçino hava limanında təyyarələrin yaxınlaşma zonasına nəzarət edən radar sistemindəki nasazlıq çoxsaylı reyslərin ləğv edilməsinə və gecikməsinə səbəb olub.İtaliyada hava trafikindən məsul qurum olan ENAV-dan edilən yazılı açıqlamada, “ENAV, Neapol Kapodiçino Hava Limanında hava limanına yaxınlaşma sahəsindən məsul olan radar sistemindəki mexaniki nasazlıq səbəbindən gələn uçuşların sayının müvəqqəti olaraq azaldığını bildirir. Bu qərar sırf qabaqlayıcı tədbir olaraq qəbul edilib və təhlükəsizlik standartlarını qorumaq üçün lazımlı hesab edilib”, – deyilir.
Açıqlamada bildirilir ki, ENAV hava limanının ən qısa zamanda tam fəaliyyət qabiliyyətinə qayıtması üçün resurslarını səfərbər edir.
***
İtaliyanın ANSA agentliyinin yaydığı hesabatda hava limanı radarında mexaniki nasazlıq səbəbindən 45 uçuşun, 20 eniş və 25 uçuşun ləğv edildiyi, digər uçuşlarda da gecikmələrin olduğu bildirilib.
Mətbuatda yer alan digər xəbərlərdə isə Neapol Kapodiçino Hava Limanında gecikmələrin 4 saata qədər çata biləcəyi, ENAV texniki işçilərinin nasazlığın səbəbini müəyyən edib aradan qaldırmağa çalışdığı qeyd edilib.
çap et