Yaxın Şərqdəki Amerika bazaları üçün qırmızı həyəcan siqnalı verilsə də, bölgədə nüvə gərginliyi artıb. ABŞ mətbuatına danışan mənbələr İsrailin ABŞ-ın dəstəyi olmadan İrana hərbi hücumu nəzərdən keçirdiyini açıqlayıb.İran və ABŞ arasında artan nüvə gərginliyindən sonra İsraildəki hərbi planlarla bağlı məlumatlar paylaşılıb.
Tehran administrasiyası dünən “Münaqişə olarsa, Amerika bazalarını vuracağıq” deyərək bəyanat vermişdi. Bu açıqlamadan sonra ABŞ-ın Bağdad səfirliyini boşaltmağa hazırlaşdığı bildirilir. Həmçinin Yaxın Şərqdə hərbçilərin ailələrinin təxliyəsinə razılıq verildiyi bildirilib.
Amerikanın “NBC News” telekanalına danışan mənbələr İsrailin ABŞ-ın dəstəyi olmadan İrana hərbi hücumu nəzərdən keçirdiyini açıqlayıb.
***
NBC beş mənbəyə istinadən xəbər verir ki, Vaşinqton Tehranla uranın zənginləşdirilməsinə dair İsrailin qəbuledilməz hesab etdiyi müddəaları özündə əks etdirən ilkin razılaşmaya yaxınlaşdıqca, İsrail birtərəfli hərəkətlərə daha ciddi yanaşır.
“Düşünürəm ki, bəlkə onlar razılaşmaq istəmirlər”, – Tramp bu həftənin əvvəlində podkast müsahibəsində dedi: “Nə deyim? Bəlkə də istəyirlər. Yəni bu nə deməkdir? Qətiləşmiş bir şey yoxdur.”
***
Vaşinqtonun Yaxın Şərq Siyasəti İnstitutundan Maykl Nayts “NBC”yə bildirib ki, ABŞ-ın bölgədən ikinci dərəcəli işçilərin evakuasiyası İrana mesaj vermək məqsədi daşıyır ki, Tramp İsrailin hücumunun qarşısını almayacaq. “Bu, İranın prezidentin istəklərinə hörmətlə yanaşmağa çalışmaqdan gedir”.
Məlumata görə, İsrail ABŞ-ın kəşfiyyat və ya logistik dəstəyinə üstünlük verəcək, lakin hazırda ABŞ-ın hər hansı müdaxiləsi planlaşdırılmır.
NBC yazıb ki, “İsrail çox güman ki, ABŞ-ın hərbi və kəşfiyyat dəstəyinə, xüsusən də İranın nüvə obyektlərinə hücumlara üstünlük versə də, oktyabr ayında təkbaşına çox şey edə biləcəyini göstərdi”.
çap et