ABŞ-ın paytaxtı Vaşinqtonda ABŞ ordusunun yaranmasının 250 illiyi münasibətilə hərbi parad keçiriləcək. ABŞ da eyni vaxtda genişmiqyaslı etirazların şahidi olacaq.İyunun 14-də ABŞ prezident Donald Trampın doğum günü olan böyük hərbi parad keçirəcək. Bakı vaxtı ilə 15 iyun bazar günü saat 02:30 radələrində başlaması gözlənilən parad paytaxt Vaşinqtondakı Linkoln Memorialında başlayacaq. Mərasimə tanklar və minlərlə ABŞ əsgəri qatılacaq.
Hərbi paradın keçirildiyi saatlarda ölkə daxilində “Krallara yox” şüarı ilə etiraz aksiyalarının keçirilməsi də planlaşdırılır.
***
“The Associated Press” (AP) xəbər agentliyinin paylaşdığı məlumata görə, sözügedən hərbi parad bir neçə həftə əvvəl ABŞ ordusunun 250-ci ildönümü münasibətilə keçiriləcək qeyd etmələr proqramına əlavə edilib.
Parad 45 milyon dollara başa gəldiyinə və tankların küçələrə və yollara ziyan vurma ehtimalına görə tənqidlərə səbəb olub.
Mərasim həmçinin Los-Ancelesdə (Kaliforniya) immiqrasiya etirazlarına müdaxilə etmək üçün Milli Qvardiya və Dəniz Piyadalarının yerləşdirildiyi bir vaxtda baş tutacaq. Bu həftənin əvvəlində Fort Braggdakı çıxışı zamanı 82-ci Hava Desant Diviziyasının əsgərlərinin ABŞ prezidentinin arxasına düzülərək dinləməsinə görə Tramp tənqid hədəfi olub.
***
Hərbi paradın xərci, Vaşinqtonda mərasim zamanı havanın yağışlı olacağına dair proqnozlar və mümkün etirazlara qarşı Donald Tramp sosial media hesabında “Amma nə gün olacaq?!” paylaşımını edib.
Hava şəraitindən də anlayışlı olacağına ümid etdiyini deyən ABŞ prezidenti, belə olmasa belə, bunun uğur gətirəcəyini bildirib. Tramp, "Bu da problem deyil. Bu vacib deyil. Tanklara qətiyyən təsir etmir. Əsgərlərə təsir etmir. Onlar buna öyrəşiblər. Sərtdirlər”, – deyib.
***
Bu arada, ABŞ-da planlaşdırılan nümayişlərdə iştirak edəcək “Krallara yox!” etirazçıları Trampın eqosunu qidalandırmaq və onun ABŞ Milli Günü və 79-cu ildönümünü qeyd etmək planlarına qarşı çıxmaq məqsədi güdürlər. Vaşinqtonda hələlik heç bir etiraz aksiyasının planlaşdırılmadığı bildirilsə də, ABŞ rəsmiləri indiyə qədər təhlükəsizliyə təhdidlərin müəyyən edilmədiyini də bildiriblər.
AP-NORC İctimai Əlaqələr Tədqiqat Mərkəzinin sorğusu göstərdi ki, ABŞ-da hər 10 nəfərdən 6-sı paradın hökumət pullarının pis istifadəsi olduğunu deyib.
***
Tramp 2017-ci ildə ilk prezidentliyi dövründə Fransada Bastiliyanın alınması günü mərasiminə baxdıqdan sonra analoji parad keçirmək arzusunu bildirib. ABŞ hərbçiləri parada 200 minədək adamın qatılacağını gözləyir.
“USA Today” xəbər saytının paylaşdığı məlumata görə, ABŞ-da sonuncu dəfə 1991-ci ildə genişmiqyaslı parad keçirilib. Milli Qələbə Günündə keçirilən bu hərbi parad Körfəz müharibəsinin başa çatması münasibətilə iyunun 8-də baş tutub.
çap et