“Mİ6”ya qadın rəhbər

Böyük Britaniya kəşfiyyatının tarixində bir ilk

Böyük Britaniyanın baş naziri Keir Starmerin təsdiqi ilə “MI6” xarici kəşfiyyat xidmətinin rəhbəri vəzifəsinə təyin edilən Blez Metreweli bu vəzifəni tutan ilk qadın olub.

İngiltərə Baş Nazirinin 10 nömrəli ofisindən verilən açıqlamaya görə, Starmer Blez Metreveli “MI6”nın 18-ci rəhbəri təyin edib.

Xarici işlər nazirinə qarşı məsul olan və təşkilatda “C” kimi tanınan “MI6”nın rəhbəri vəzifəsinə ilk dəfə qadın təyin edildiyi bildirilən açıqlamada Metrewelinin hazırda təşkilatda “Q” kimi tanınan texnologiya və innovasiyadan məsul baş direktor olduğu bildirilib.

Metrevelinin əvvəllər daxili kəşfiyyat xidməti “MI5”də çalışdığını xatırladan açıqlamada “Mİ6”nın hazırkı direktoru və Böyük Britaniyanın Ankaradakı keçmiş səfiri Riçard Murun payızda vəzifəsini tərk edəcəyi qeyd edilib.

Açıqlamada Metrevelinin 1999-cu ildə təşkilata qatıldığı, karyerasının böyük hissəsini Yaxın Şərq və Avropada əməliyyat rollarında keçirdiyi, Kembric Universitetində antropologiya təhsili aldığı vurğulanıb.

Açıqlamada qiymətləndirmələri yer alan Starmer, “Metrevelinin tarixi təyinatı, kəşfiyyat xidmətləri tərəfindən həyata keçirilən işlərin hər zamankindən daha həyati əhəmiyyət kəsb etdiyi bir vaxta təsadüf edir. Böyük Britaniya görünməmiş miqyasda təhdidlərlə üzləşir. Bunlara düşmən ölkələr tərəfindən sularımıza göndərilən casus gəmiləri və mürəkkəb ictimai xidmətlərimizi yaratmaq istəyən hakerlər daxildir”.

Xarici işlər naziri Devid Lammi də açıqlamasında deyib: “Qlobal qeyri-sabitlik və təhlükəsizlik təhdidlərinin meydana çıxdığı, texnologiyanın daha da vacib gücə çevrildiyi və rəqiblərin getdikcə daha da yaxınlaşdığı bir vaxtda Blez Böyük Britaniyaya bu çağırışlarla birbaşa mübarizə aparmaq imkanı verməklə, Birləşmiş Krallığın daxildə və xaricdə təhlükəsiz olmasını təmin edəcək”.

Lemmi kəşfiyyat xidmətlərinə 600 milyon funt-sterlinq əlavə büdcə ayıracaqlarını da açıqlayıb.

Bu arada Metreveli təşkilatın rəhbəri vəzifəsinə təyin olunmaqdan qürur duyduğunu dilə gətirib, hazırkı prezident Mur isə Metrevelinin təşkilat üçün mühüm şəxsiyyət olduğunu qeyd edib.

Mur Metreveli ilə əvəz olunduğu üçün xoşbəxt olduğunu bildirib.