“Baker Hughes”un baş direktoru Lorenzo Simonelli “Bloomberg News”a müsahibəsində qlobal mayeləşdirilmiş təbii qaz (LNG) istehsal gücü ilə bağlı gözləntilərini bölüşüb.Simonelli müsahibədə LNG və yeni layihələrə artan tələbatın 2035-ci ilə qədər istehsal gücünü ildə 950 milyon tona çatdıracağını təxmin etdiyini söylədi.
Simonelli, hazırda istismarda olan layihələr və yeni qurğular sayəsində qarşıdakı 10 ildə illik 800 milyon ton istehsal hədəfinə çatılacağını və bu prosesdə quraşdırılmış istehsal gücünün ildə 950 milyon tona çatdırılacağını bildirib.
Simonelli əlavə edib ki, Çin, Cənub-Şərqi Asiya və Avropada LNG tələbatındakı artım qlobal istehsalın əhəmiyyətli güc olmaqda davam edir.
O vurğulayıb ki, Səudiyyə Ərəbistanı, ABŞ və Əlcəzair kimi qazla zəngin ölkələr mayeləşdirmə infrastrukturu üçün potensial inkişaf bazarları kimi müəyyən edilib.
Qlobal LNG istehsal gücü 2024-cü ildə 492 milyon ton idi.
çap et