Dünyanın ən sirli kəşfiyyat orqanlarından biri hesab edilən “MOSSAD” İsrailin xarici kəşfiyyat xidmətidir. Bu təşkilatın rəsmi adı olan “Ha MOSSAD leModi'in uleTafkidim Meyuhadim”, Azərbaycan dilində “Kəşfiyyat və Xüsusi Təyinatlar İnstitutu”dur. “MOSSAD” İsrailin xaricdə təhlükəsizliyini təmin etməkdən məsul olan ən mühüm qurumdur və xüsusilə beynəlxalq əməliyyatları ilə tanınır. Yaxşı, “MOSSAD” nədir, necə işləyir? “MOSSAD” agentləri hansı ölkənin təşkilatındandır?“MOSSAD” İran-İsrail müharibəsi səbəbiylə ən çox maraq doğuran mövzular arasındadır. Yüksək məxfilik şəraitində fəaliyyət göstərən “MOSSAD” təşkilatının məqsədi, hansı ölkənin təşkilatından olduğu maraq doğurur.
***
“MOSSAD” İsrail Dövlətinin rəsmi xarici kəşfiyyat orqanıdır. Qərargahı Tel-Əvivdə yerləşən təşkilat İsrailin Baş nazirliyinin nəzdində fəaliyyət göstərir. Daxili təhlükəsizlikdən çox, xarici təhdidlər, casusluq fəaliyyətləri, sui-qəsd əməliyyatları və gizli missiyalarla məşğul olur.
***
“MOSSAD” agentlərinin vəzifə dairəsi kifayət qədər genişdir və yüksək məxfilik şəraitində həyata keçirilir. Agentlərin əsas vəzifələrinə aşağıdakılar daxildir:
Xaricdə kəşfiyyat məlumatlarının toplanması: Digər ölkələrdəki hərbi, siyasi, iqtisadi və strateji inkişafları izləyərək İsrailə məlumat vermək.
Əks-casusluq: İsraili hədəf alan xarici kəşfiyyat fəaliyyətlərinin qarşısının alınması və ya istiqamətləndirilməsi.
Xüsusi əməliyyatlar: Hədəf edilmiş şəxslərə və ya strukturlara qarşı sui-qəsd, təxribat və adam oğurluğu əməliyyatlarının aparılması.
Terrorizmlə mübarizə: İsrail vətəndaşlarına və ya dövlətə qarşı təhdidlərin əvvəlcədən aşkar edilməsi və zərərsizləşdirilməsi.
İnsan resursları və informator şəbəkəsi: Xaricdə əməkdaşlıq etmək üçün insanlarla əlaqə yaratmaq və bu insanlardan gizli missiyalarda istifadə etmək.
***
“MOSSAD”ın iş sistemi əsasən məxfilik prinsipinə əsaslanır. Onun əməliyyatlarının əksəriyyəti ictimaiyyətə məlum deyil və açıq mənbələrdən yoxlanıla bilməz. Agentlər adətən diplomatik pasportlarla səyahət edir və özlərini yerləşdikləri ölkələrdə diplomat, iş adamı və ya akademik kimi göstərirlər. Texnoloji kəşfiyyat (siqnallar və kiber kəşfiyyat) agentliyin müasir əməliyyatlarında da mühüm rol oynayır.
çap et