İsrail-İran müharibəsi yeddinci günündə davam edərkən Yunanıstanla bağlı yeni iddia ortaya atılıb.“Kathimerini” qəzeti açıqlanmayan sayda “Patriot” raket sistemlərinin Yunan Donanması və NATO-nun Kritdəki Souda körfəzindəki bazasına köçürüldüyünü bildirib. Qəzet öz hesabatında mənbəsini açıqlamadan bunun ABŞ-ın bölgədəki aktivlərini ballistik raketlərdən müdafiə etmək üçün olduğunu bildirib.
Qəzet çoxlu sayda “F-16” qırıcısının iyul ayında keçiriləcək genişmiqyaslı “Anadolu Qartalı” təlimində iştirak etmək üçün Türkiyəyə göndərilmədən əvvəl müvəqqəti olaraq Kritdəki bazaya yerləşdirildiyini bildirib.
Yunanıstan Silahlı Qüvvələrinin Hərbi Hava Qüvvələri tərəfindən təmin edilən “Patriot” sistemlərindən başqa heç bir anti-ballistik potensialı yoxdur. Buna görə də bu sistemlər “kritik hərbi infrastrukturu” qorumaq üçün istifadə olunur.
Yunanıstan Müdafiə Nazirliyi İranın Yunanıstan üçün birbaşa təhlükə yaratdığına inanmasa da, dünən hərbi və siyasi liderlərin keçirdiyi fövqəladə toplantıda ehtiyac yaranarsa, mövcud müdafiə imkanlarının necə səfərbər oluna biləcəyi müzakirə olunub.
çap et