İsrailin İrana qarşı hərbi hücumu ölkənin gələcəyi və fars-molla rejiminin lideri Ayətullah Əli Xameneyinin öldürüləcəyi təqdirdə onun yerinə kimin keçəcəyi ilə bağlı suallar yaradıb.İsrailin baş naziri Benyamin Netanyahu İranın bir neçə yüksək rütbəli hərbi məmurunu və nüvə alimini qətlə yetirdikdən sonra İranın növbəti dəfə Xameneyini hədəfə ala biləcəyi barədə xəbərdarlıq edib.
Xameneyi ABŞ-ın İsrailin hücumları qarşısında təslim olmaq çağırışlarını rədd edib və Vaşinqtonun istənilən hərbi müdaxiləsinin “düzəldilməz ziyana” səbəb olacağı barədə xəbərdarlıq edib.
Bu həftənin əvvəlində ABŞ prezidenti Donald Tramp demişdi ki, ABŞ Xameneyinin harada “gizləndiyini” bilir, lakin “onu aradan qaldırmayacaq, ən azından indi öldürməyəcək”.
İsrailin əsas rəqibi İrana qəfil hücuma başlamasından təxminən bir həftə sonra gərginlik artmaqda davam edərkən, Xameneyinin oğlu Müctəbanın təsirinin artdığı və İsrail Xameneyini aradan götürəcəyi təqdirdə oğulun atasını əvəz edə biləcəyi barədə xəbərlər yayılıb.
İnsayderlər deyirlər ki, Müctaba orta səviyyəli bir din xadimidir, ictimaiyyət arasında nadir hallarda görünür, lakin İranın qərar qəbul edən dairələrində nüfuzlu şəxs kimi tanınır.
Bu mənbələr Müctəbanın İslam İnqilabı Keşikçiləri Korpusu (SEPAH) və Tehrandakı digər əsas dini və siyasi oyunçularla güclü əlaqələr qurduğunu göstərir.
“İranın geniş nüfuzuna baxmayaraq, ölkənin növbəti ali liderini təyin etmək vəzifəsi daşıyan Din Alimləri Məclisi Müctəbanı təxminən altı ay əvvəl potensial namizədlər siyahısından çıxardı”, – “Reuters” xəbər verir.
Lakin Müctəbanın populyarlığının getdikcə azaldığı bildirilsə də, mənbələr nüfuzlu din xadimlərinin onun adını yenidən siyahıya salmaq üçün pərdə arxasında lobbiçilik etdiklərini bildiriblər.
“The Wall Street Journal” keçən il xəbər vermişdi ki, ABŞ və İsrail rəsmiləri ölkənin növbəti ali liderinin kimin olacağı ilə bağlı konsensus olmasa, varislik prosesinin mürəkkəbləşə və rejim daxilində xaosa səbəb ola biləcəyindən narahatlıqlarını ifadə ediblər.
İran üzrə ekspertlər onu da qeyd edirlər ki, Xameneyi 1979-cu ildə ABŞ-ın dəstəklədiyi monarxiyanın devrildiyi ölkədə irsi idarəçiliyi rədd edib.
Bununla belə, İranda dini və hərbi qurumların üst-üstə düşməsi və növbəti ali rəhbərin təyin edilməsi prosesində şəffaflığın olmaması Müctəbanın namizədliyini istisna etmək olmaz.
çap et