Panama pensiya islahatı ilə bağlı davam edən etirazlarda mağazalar talan edildikdən və binaların dağıdılmasından sonra ölkənin banan istehsal edən əsas bölgəsində fövqəladə vəziyyət elan edilib.Hökumət ölkənin şimal-qərbindəki Bokas del Toro əyalətində konstitusiya hüquqlarının növbəti beş gün ərzində dayandırılacağını açıqlayıb.
BBC xəbər verir ki, fövqəladə vəziyyət hərəkət azadlığını məhdudlaşdırıb və polisə order olmadan həbslər aparmağa imkan verib.
Bölgədəki problemlər bir ay əvvəl yerli banan işçiləri həmkarlar ittifaqının pensiyaların azaldılmasına qarşı ümummilli etirazına qoşulması və tətil elan etməsi ilə başlayıb.
“Asayişin dağılması və sistematik zorakılıq şəraitində dövlət sülhü bərpa etmək üçün öz konstitusiya səlahiyyətlərindən istifadə edəcək”, – nazir Xuan Karlos Orillak bildirib. Orillak bu tədbirin “dövləti radikallardan təmizləməyə” imkan verəcəyini iddia etdi.
***
Latın Amerikası ölkəsində mart ayında pensiya islahatları ilə bağlı etirazlar başlayıb.
Bokas del Toroda iğtişaşlara əsasən Çiquita Brands banan plantasiyasının işçiləri rəhbərlik edirdi. Şirkətin keçən ay tətil edən minlərlə işçini işdən çıxarmasından sonra qarşıdurmalar daha da artıb.
Etirazçılar əyalət boyu yol blokları qurub və tez-tez polislə toqquşmalar baş verib.
Bu həftənin əvvəlində izdiham Çiquita Brandsın bir obyektini və yerli hava limanını dağıdıb.
çap et