ABŞ-ın həftə sonu İranın nüvə obyektlərinə hücumu tədarüklə bağlı narahatlıqları artırdıqdan sonra neft qiymətləri bazar ertəsi yanvar ayından bəri ən yüksək səviyyəyə qalxıb.
“Brent” 2,49 faiz bahalaşaraq 78,93 dollar olub. ABŞ xam nefti 2,56 faiz bahalaşaraq 75,73 dollar olub.
Qiymət artımı ABŞ prezidenti Donald Trampın həftə sonu İranın əsas nüvə obyektlərini “məhv etdiyini” elan etməsindən sonra baş verib. Tramp İsrailin hücumuna qoşulmaqla Yaxın Şərqdə münaqişəni gücləndirdi və Tehran özünü müdafiə edəcəyinə söz verdi.
İran OPEK-in üçüncü ən böyük xam neft istehsalçısıdır. Bazar iştirakçıları İranın cavab tədbirinin Hörmüz boğazını bağlaya biləcəyi qorxusu fonunda neft qiymətlərinin daha da artacağını gözləyirlər.
çap et