“Reuters” agentliyi beş mənbəyə istinadən yazır ki, iki il əvvəl ayətullah Xameneyinin özü tərəfindən onun varisliyini müəyyənləşdirmək üçün təyin olunmuş ölkənin əsas dini orqanlarından birinin üç üzvdən ibarət komitəsi son günlər işini sürətləndirib.“Reuters” agentliyinə danışan mənbələrin sözlərinə görə, hazırda iki əsas namizəd müzakirə olunur: Xameneyinin 56 yaşlı oğlu – Möctəba Xameneyi və İslam inqilabının qurucusunun 52 yaşlı nəvəsi – Həsən Xomeyni.
Həsən Xomeyni, siyasi və sosial məhdudiyyətlərin yumşaldılması tərəfdarı olan islahatçı qanadla sıx bağlı olsa da, çıxışı səbəbilə yaşlı dini şəxslər və İslam İnqilabı Keşikçiləri Korpusunun (SEPAH) hörmətini qazanıb.
“Digər tərəfdən, Möctəba Xameneyi atasının qədər sərt siyasətinin tərəfdarıdır – müxalifətə qarşı repressiyalar və İranın düşmənlərinə qarşı qəti mövqe tərəfdarıdır. Lakin mənbələrin sözlərinə görə, hələ heç nə qərarlaşdırılmayıb. Namizədlər dəyişə bilər və son söz yenə də rejimin lideri ayətullah Xameneyinindir”, – “Reuters” bildirir.
Dünən “The New York Times” qəzeti yazmışdı ki, ayətullah varis kimi üç namizəd seçib, lakin onların arasında Möctəba yoxdur.
çap et