Bu gün neft bir qədər yüksəldi, iki kəskin enişdən sonra bir qədər bərpa olundu. İnvestorlar İran və İsrail arasında atəşkəsin sabitliyini qiymətləndirirlər.“Brent” markalı neft 1,1 faiz bahalaşaraq 67,89 dollar, ABŞ xam nefti 1,1 faiz artaraq 65,08 dollar olub.
“Brent” çərşənbə axşamı iyunun 10-dan, ABŞ xam nefti isə iyunun 5-dən bəri ən aşağı səviyyəyə düşüb. Bu tarix İsrailin iyunun 13-də İranın əsas hərbi və nüvə obyektlərinə qəfil hücum etməsindən əvvələ təsadüf edir.
ABŞ-ın həftəsonu İranın nüvə obyektlərinə endirdiyi zərbələrdən sonra qiymətlər son beş ayın ən yüksək səviyyəsinə qalxıb.
ABŞ kəşfiyyatının ilkin qiymətləndirməsi göstərir ki, ABŞ-ın hava hücumları İranın nüvə imkanlarını tamamilə məhv etməyib, sadəcə onları bir neçə aya geri qaytarıb. Bu arada ABŞ prezidenti Donald Trampın vasitəçiliyi ilə İran və İsrail arasında kövrək atəşkəs qüvvəyə minib.
Dünən həm İran, həm də İsrail iki ölkə arasında hava müharibəsinin ən azı indiyə qədər bitdiyini bildirmişdilər. Bu bəyanatlar Trampın atəşkəs rejimini pozduğuna görə hər iki tərəfi açıq şəkildə qınamasından sonra verilib.
çap et