Şimali Koreya lideri Kim Çen Inın həyat yoldaşı Ri Sol Cu bir il yarımlıq sükutdan sonra ictimaiyyət qarşısına çıxıb. Ri, əri Kim və qızları Ju Ae ilə birlikdə ölkənin yoxsul sahillərində tikilmiş dəbdəbəli kurortun açılış mərasimində iştirak edib.Ri Sol Cu sonuncu dəfə 2024-cü il yanvarın 1-də dövlət mediası tərəfindən yayımlanan fotolarda görünüb.
***
Birləşmiş Millətlər Təşkilatının Pxenyanın nüvə və ballistik raket proqramlarını hədəf alan sanksiyalarının bir hissəsi kimi Şimali Koreyaya lüks malların ixracı qadağandır. Lakin bu cür məhsulların gömrük yoxlamasından azad edilən diplomatik kuryerlər vasitəsilə ölkəyə gətirildiyi bildirilir.
Kim Çen In uzun müddətdir ki, dəbdəbəni sevməsi ilə tanınır; bahalı saatlar, avtomobillər və şəxsi təyyarələr onun üstünlükləri arasındadır. Rusiya prezidenti Vladimir Putin 2023-cü ildə Kimin ölkəsinə səfəri zamanı ona Rusiya istehsalı olan limuzin hədiyyə edib.
***
Ri Sol Cunun götürdüyü çantanın təxminən 2000 dollarlıq “Gucci GG Marmont” modeli olduğu bildirilir.
Mütəxəssislərin fikrincə, rejimin 2023-cü ilin sonunda rəsmi maaşları on dəfə artırmaq qərarına baxmayaraq, orta Şimali Koreyalı işçi hələ də ayda cəmi 30 000 Şimali Koreya vonu – təxminən 4 dollar qazanır.
çap et