İnfarkta səbəb ola bilər

Yeməklərə dad verirdi – təhlükəli imiş

“Daily Mail”də yer alan xəbərə görə, doktor Allan Kapin bəzi acı bibər növlərində olan birləşmələrin qan damarlarını daralda biləcəyini və qan təzyiqini və ürək döyüntüsünü ciddi şəkildə artırdığını, bunun da infarkt riskini artırdığını bildirib. Kapinin sözlərinə görə, bu vəziyyət xüsusilə ürəyi böyümüş və ya anadangəlmə ürək problemləri olan şəxslərin həyatı üçün ciddi təhlükə yaradır.

Doktor Kapinin açıqlamaları sosial mediada milyonlarla dəfə baxılan videodan sonra gəlib. Sözügedən görüntülərdə “dünyanın ən isti karrisini” daddığı iddia edilən Daniel adlı şəxsin yeməyi yedikdən dərhal sonra həyəcanlı şəkildə içində Londondakı “Bengal Village” restoranından çıxarkən görünür.

İsti qidalarda olan kapsaisinin yüksək dozada qəbulunun sağlamlıq üçün ciddi risklər yarada biləcəyi çoxdan məlumdur. Mütəxəssislərin fikrincə, kapsaisinlə zəhərlənmə nadir olsa da, mümkündür.

Bu məsələ ilə bağlı xəbərdarlıqlar 2023-cü ildə Massaçusetsdən olan 14 yaşlı Harris Volobahın sosial mediada “hot chips” çağırışına qatılaraq infarkt keçirərək ölməsindən sonra daha ciddi qəbul olunmağa başladı. Məhkəmə ekspertizasının nəticələri kapsaisin ilə ürək vəziyyətinin pisləşdiyini göstərdi.

Doktor Ceyms Udelson, həmçinin həddindən artıq ədviyyatlı qidaların ürəyi “əhəmiyyətli dərəcədə stimullaşdıra” biləcəyini və bunun da anormal qan axınına və nizamsız ürək döyüntülərinə səbəb ola biləcəyini deyib. Udelson, kapsaisinin ürək əzələlərində oksigen çatışmazlığına səbəb ola biləcəyini də vurğulayıb.

Digər tərəfdən, bazarda ən acı sousların tərkibi ilə bağlı xəbərdarlıqlar da var.

Aston Universitetindən dietoloq Duan Mellor bildirir ki, bu cür ədviyyatlı qidaların həddindən artıq istehlakı uzun müddətdə qida borusunda turşu refleksini qıcıqlandırır və bu da xərçəng riskini artıra bilər. 2022-ci ildə edilən bir araşdırmaya görə, yüksək səviyyədə ədviyyatlı qida yemək qida borusu xərçəngi riskini artıra biləcəyi təsdiqləndi.