Fransada market rəflərində satılan kərə yağlarında təhlükəli bakteriya olan “Listeria monocytogenes” aşkar edilib. Əvvəlcə “Leclerc”in “Les Croisés” markalı kərə yağı geri çağırıldı. Daha sonra “U” və “Auchan” marketlərində satılan öz brendi olan 250 qramlıq “beurre doux” (şirin yağ) məhsullarında da eyni risk yaranıb.Hansı məhsullar geri çağırıldı?
“U” marketləri:
Məhsul: “Beurre” əlavə “fin doux” 82 faiz – 250g
Satış tarixləri: 12 may – 23 iyun 2025-ci il
Son istifadə tarixi: 14 iyul 2025-ci il
Geri çağırma müddəti: 8 iyul 2025-ci ilə qədər
“Auchan Markets” və “Chronodrive”:
Məhsul: “Beurre doux 250g”
Satış tarixləri: 14 may – 23 iyun 2025-ci il
Son istifadə tarixi: 4 iyul 2025-ci il
Geri çağırma müddəti: 23 iyul 2025-ci ilə qədər
Listeria bakteriyası nədir və niyə təhlükəlidir?
“Listeria monocytogenes” bakteriyaları listerioz adlanan ciddi infeksiyaya səbəb ola bilər. Simptomlara yüksək hərarət, baş ağrısı və əzələ ağrıları daxildir. Xüsusilə immun sistemi zəif olan insanlarda və yaşlılarda infeksiya daha ağır keçə bilər. Hamilə qadınlarda vaxtından əvvəl doğuş və ya körpənin zərər görməsi kimi ciddi risklər də var.
Səlahiyyətlilər bu məhsulları olan vətəndaşlara xəbərdarlıq edir: “Məhsulu heç vaxt istehlak etməyin. İstəyirsinizsə, zibil qutusuna atın və ya pulunuzu geri almaq üçün aldığınız marketə qaytarın. Hər hansı bir şübhəli əlamət görsəniz, gecikmədən həkimə müraciət edin”.
çap et