Bu gün Hessen ştatının Gelnhauzen şəhərindəki hovuzda baş verən insidentdə ən azı doqquz qız cinsi zorakılığın qurbanı olub. Hadisə Barbarossabad hovuzunda baş verib. Məlumata görə, qızlar axşam saat 17:00-dan az sonra hovuzun cakuzi hissəsində bir neçə kişi tərəfindən təcavüzə məruz qalıblar. Zərərçəkənlər hadisə barədə hovuz işçilərinə məlumat verib.***
Polis 18-28 yaşlarında olan dörd kişini hadisə yerində həbs edib. Bildirilir ki, hadisə zamanı başqa bir şəxs şəxsiyyətini gizlədərək hovuzu tərk edib. Offenbax Cənub-Şərqi Hessen Polis İdarəsindən verilən açıqlamaya görə, saxlanılanların hamısı Suriya vətəndaşıdır və iki şübhəlinin bir-biri ilə qohum olduqları müəyyən edilib.
***
Saxlanılanların hamısının hovuza girişi qadağan edilib və barələrində məhkəmə prosesi başlanıb. Hessişer Rundfunkın sözlərinə görə, şübhəlilər hovuzdan kənarda yox, hovuzun içində birlikdə hərəkət ediblər. İlkin olaraq beş qadın zərərçəkmiş polisə müraciət etsə də, hadisə barədə məlumat verildikdən sonra qurbanların sayı 9-a yüksəlib. Zərərçəkənlərin yaşları 11-17 arasındadır.
***
Gelnhausen polisi hadisə ilə bağlı məlumatı olan hər kəsdən hüquq mühafizə orqanlarına məlumat vermələrini xahiş edib. Şəxsiyyəti müəyyən edilməmiş beşinci şübhəlinin tapılması istiqamətində araşdırmalar davam edir.
çap et