Meksikanın Syudad Xuares şəhərində özəl krematoriumda daha 321 mumiyalanmış cəsədin tapıldığı açıqlanıb. Dünən yayılan xəbərlərdə 60 cəsədin şəxsiyyətinin müəyyən edildiyi bildirilib. Məlum olub ki, həyatını itirənlərin ailələrinə yaxınlarının külü deyil, başqa maddələr verilib.“The Guardian” qəzetinin məlumatına görə, yerli prokurorluq mövzu ilə bağlı açıqlama verib və şimal şəhərdəki özəl krematoriyada qalaqlanmış 381 cəsədin tapıldığını açıqlayıb. Bəyanatda bu vəziyyət “səhlənkarlıq” ilə əlaqələndirilib.
Çihuahua Əyalət Prokurorluğunun sözçüsü Eloy Qarsiya AFP xəbər agentliyinə deyib ki, “Öncədən heç bir kremasiya edilmədən krematoriyada saxlanılan 381 cəsəd var”.
Qarsiyanın dediyinə görə, cəsədlər binanın müxtəlif otaqlarında heç bir aydın nizam olmadan “svaylar”a yerləşdirilib. Qarsiya, cəsədlərin sadəcə təsadüfən bir-birinin üstünə atıldığını deyib. Bütün cəsədlər mumiyalanıb və səlahiyyətlilər insan qalıqlarının bəzilərinin iki ildən köhnə ola biləcəyini ehtimal edir.
Prokurorluğun sözçüsü Qarsiya bildirib ki, mərhumların yaxınlarına kül əvəzinə başqa maddələr verilib. Hadisənin krematoriya işçilərinin diqqətsizliyi və məsuliyyətsizliyi səbəbindən baş verdiyini iddia edən Qarsiya, bu cür müəssisələrin gündəlik kremasiya qabiliyyətinin nə olduğunu bildiyini deyib.
Krematoriyanın rəhbərlərindən biri prokurorluğa təslim olub. Səlahiyyətlilər cəsədlərin zorakılıq hadisələrinin qurbanlarına aid olub-olmaması barədə məlumat verməyib.
Yerli mətbuatın verdiyi məlumata görə, polis qrupları Xuarez şəhərində krematoriya kimi istifadə edildiyi bildirilən binada yerli əhalinin pis qoxulardan şikayət etməsindən sonra araşdırmalara başlamışdı. Polis əvvəlcə müayinə etdikləri otaqda 60 mumiyalanmış cəsəd tapmışdı.
çap et