Müğənni Rəhim Rəhimlinin xalq artisti Faiq Ağayev barədə dediyi «Artıq onun zamanı deyil» sözləri cavabsız qalmayıb.ANS PRESS-in məlumatına görə, sənətçi sosial şəbəkə vasitəsi ilə Rəhimə sərt sözlərini bildirib. R.Rəhimlinin «İndi Faiq Ağayevin zamanı deyil» sözləri xalq artistini özündən çıxarıb. Belə ki, F. Ağayev Facebook səhifəsində bunları bildirib:
«Atalar yaxşı deyib: Avazın yaxşı gəlir, oxuduğun quran olsa. İstinad etdiyi fikirlərimi yəqin özgə dilindən eşidib. «Facebook» səhifəmdə yazdığım «Zamanım deyil» dediyimdə, sitat: «Abırsızlar, bisavadlar, satqınlar, boğazlarını yırtanlar»ı nəzərdə tutmuşdum. Bəli, belələri arasında yerim olmayıb, yoxdur, və inşallah ki, heç vaxt olmayacaq. O ki qaldı, sənətə, elə Rəhim özü dediyi kimi, bu günümə kimi müasir estradamızdakı kişi müğənniləri arasında maksimum nailiyyətlər qazanmışam. Rəqabətə də can atmıram, o da - düzdür. Çünki əldə etdiklərim baxımından fəaliyyətimlə müqayisə olunacaq və ya hələki yaxınımda duran belə birisi yoxdur».
Xalq artisti daha sonra R.Rəhimlinin Azərbaycan musiqisində həlledici fiqur olmadığını da vurğulayıb: «Elə Rəhim özü də anlayır ki, onun mövqeyi Azərbaycan musiqisində həlledici deyil, xalq arasında fikrini də ciddiyə alan yoxdur. Yeni mahnını reklam üslubunu səhv seçmisən, Rəhim. Hədəfin azsaylı dedi-qoduçuların müəmmalı «ləzzəti» deyil, 9 milyonluq tamaşaçı toplumunun səsləndirdiyin melodiya və sözlərə istəyi və rəğbəti olmalıdır. Belə de ki, «ayıq başa» yaxşı oğlansan, Rəhim. Savadlı musiqiçi və məzəli şoumensən. Uğurlar sənə, gənc dostum!»
çap et