Yeddi qitəni tək başına keçməyi hədəfləyən gənc pilot həftə sonu Antarktidaya icazəsiz eniş etdikdən sonra Çili səlahiyyətliləri tərəfindən saxlanılıb.
Çili prokurorları, Jül Vernin “80 gün dünya ətrafında” fantastik-macəra romanının qəhrəmanı, Fileas Foqun 19 yaşlı müasiri amerikalı sosial şəbəkə fenomeni İtan Quonun uçuş planını əvvəlcədən xəbərdarlıq etmədən dəyişdirərək və Cənubi Amerika ölkəsinin suverenliyini iddia etdiyi bölgəyə eniş edərək bir çox milli və beynəlxalq qaydaları pozduğunu deyilir.
Quonun vəkili bildirib ki, gənc pilot uçuş zamanı “bir sıra fəsadlarla üzləşib”.
***
Quonun veb saytına görə, o, “bütün qitələri təkbaşına uçan ilk insan” olmağı və səfərlə xərçəng araşdırması üçün 1 milyon dollar toplamaq niyyətindədir.
Sentyabr ayından o, “İnstagram”da bir milyondan çox izləyicisi ilə addım-addım səyahətini paylaşır.
Quonun 23 iyun tarixli son yazısı onun Filippin üzərindən uçuşu ilə bağlıdır.
***
Səlahiyyətlilərə görə, Quo iyunun 28-də Çilidəki Karlos İbanez del Kampo hava limanından kiçik “Cessna 182Q” tipli təyyarə ilə təkbaşına havaya qalxıb.
Onun uçuş planında yalnız Punta Arenas səmasında uçacağı bildirilmişdi. Lakin sonradan səlahiyyətlilər Quonun marşrutundan yayınaraq Antarktidaya doğru getdiyini açıqladı.
“Şübhəli şəxs aviasiya idarəsinə yalan məlumat verib. O, uçuş planında yalnız Punta Arenas səmasında uçacağını bildirmişdi. Bununla belə, heç kimə xəbər vermədən və heç bir icazə almadan Antarktidaya davam edərək Çilinin Antarktidadakı bazasına enib”, – səlahiyyətlilər bildiriblər.
Bu hadisənin bu davranışı ilə hava hərəkətinin təhlükəsizliyini ciddi şəkildə təhlükəyə atdığı bildirilib.
Qərara alındı ki, Quo hələlik Çilinin Antarktika ərazisində qalmalıdır və səlahiyyətlilər ona icazə verdikdən sonra Punta Arenasa qayıda bilər. Məhkəmə bu işlə bağlı 90 günlük istintaqa başlayıb.
çap et