Məlum olub ki, Şimali Koreyalılar təkcə ABŞ-da deyil, digər ölkələrdə, xüsusilə də Avropada saxta şəxsiyyətlərdən istifadə edərək uzaqdan işləyir və bununla da şirkət və hərbi sirlərə çıxış əldə edirlər. ABŞ-da mövzu ilə bağlı iki ayrı ittihamnamə hazırlanıb.
ABŞ prokurorları xəbərdarlıq edib ki, Şimali Koreyalılar beynəlxalq sanksiyalarla üzləşən Pxenyan administrasiyasına maliyyə resursları təmin etmək üçün dünya üzrə şirkətlərə “sızırlar”. Sayları minlərlə ifadə edilən texnologiya işçilərinin saxta və ya oğurlanmış şəxsiyyətlərdən istifadə etdikləri, bəzilərinin şirkət sirlərini, bəzilərinin isə hərbi texnologiya ilə bağlı sirləri oğurladıqları ifadə edilib.
“The New York Times” (NYT) qəzetindəki xəbərə görə, ABŞ federal prokurorları sanksiyalarla üzləşən Şimali Koreya hökumətinin sonsuz ehtiyac duyulan gəliri təmin etmək üçün saxta və ya oğurlanmış şəxsiyyətlər kimi maskalanmış texnologiya işçilərini ABŞ-a daxil olmadan ölkədəki şirkətlərə yerləşdirdiyini açıqlayıb.
Massaçusets və Corciyadakı iki məxfi ittihamnamədə Şimali Koreyanın bu “giriş”dən həm pul, həm də məlumat oğurlamaq üçün istifadə etdiyi ortaya çıxdı.
Massaçusets Federal Prokuroru Lih Foli mövzu ilə bağlı verdiyi açıqlamada, “Minlərlə Şimali Koreyalı kiber agent rejim tərəfindən qlobal işçi qüvvəsinə qarışmaq üçün təlim keçib və işə götürülüb”, – deyib. Foley sözügedən təhlükəni real və qaçılmaz adlandırıb.
ABŞ-ın federal hüquq-mühafizə orqanları sözügedən fəaliyyətləri dayandırmaq üçün 16 ştatda bir sıra tədbirlər həyata keçirib. Bunun bir hissəsi olaraq, onlarla maliyyə hesabı və fırıldaq veb-saytları ələ keçirilib və Şimali Koreyalı işçilərin şirkətlər tərəfindən uzaqdan çalışan işçilərə təqdim etdiyi kompüterlərə çıxışı təmin edən “noutbuk fermalarında” axtarış aparılıb.
***
“Google Threat Intelligence Group” tərəfindən aprel ayında hazırlanan hesabatda Şimali Koreyanın bu addımının coğrafi olaraq genişləndiyinə, xüsusən də Avropanı hədəf almasına dair sübutlar olduğu ortaya çıxdı. Federal Təhqiqat Bürosu (FTB) də bu kontekstdə işləyən Şimali Koreyalılara kömək edənlərin müəyyən edilməsi üçün araşdırmaya başlayıb.
Bu həftə federal prokurorlar tərəfindən açılan işlərdən birində ABŞ, Çin və Tayvan vətəndaşlarına 80 ABŞ vətəndaşının şəxsiyyətinin oğurlanması ilə bağlı ittiham irəli sürülüb. Sözügedən saxta və oğurlanmış şəxsiyyətlər Şimali Koreyalılara 2021-2024-cü illər arasında onlarla ştat və sektorda 100-dən çox şirkətdə uzaqdan işləməyə imkan verib.
Prokurorların hesablamalarına görə, Şimali Koreya bu üsuldan istifadə etməklə 5 milyon dollar gəlir əldə edib, eyni zamanda bu ABŞ bizneslərinə 3 milyon dollar zərər və xərcə səbəb olub. Prokurorlar Şimali Koreyalıların bəzilərinin hərbi texnologiya ilə bağlı olan həssas məlumatları da açıqladığını bildirib.
***
Bu həftə Corciya ştatında məxfiliyi ləğv edilən başqa bir işdə dörd Şimali Koreyalı oğurluq və çirkli pulların yuyulmasında ittiham olunub. Müvafiq olaraq, 900.000 dollar dəyərində kriptovalyutanı da əhatə edən bu sxem çərçivəsində uzaqdan işləyən Şimali Koreyalılar Birləşmiş Ərəb Əmirliklərindən (BƏƏ) işləməyə davam edərkən Malayziyadan olan saxta şəxsiyyətlərdən istifadə etdilər.
İttihama görə, müttəhimlər kripto sektorunda, Atlantada yerləşən bir şirkətdə iş axtarıblar. Digər təqsirləndirilən şəxsin Serbiya şirkətində işlədiyi məlum olub. İttihamnamədə bildirilirdi ki, müttəhimlərin işəgötürənlərindən aldıqları təxminən 1 milyon dollar dəyərində kriptovalyuta onların ortaqları tərəfindən “yuyulub”.
“Google Threat Intelligence Group” hesabatında, həmçinin Şimali Koreyalı bir işçinin 2024-cü ilin sonuna kimi Avropa və ABŞ-da ən azı 12 “şəxs” olduğu, müdafiə şirkətlərində və ya hökumətdə iş axtardığı və saxta istinadlardan istifadə etdiyi aşkarlanıb. Şimali Koreyalıların Portuqaliya, Almaniya və Böyük Britaniyadakı şirkətlərdə işlədiyi də məlum olub.
çap et