Avropanı vuran istilər İtaliyada 16 nəfərin ölümünə səbəb olub. İtaliya rəsmilərinin məlumatına görə, həftənin əvvəlində 6 nəfər istirahət mərkəzlərində və ya günəş altında işləyərkən həyatını itirib.Şiddətli susuzluq əlamətləri ilə təcili yardıma müraciət edən ən azı 10 nəfər yaşlı şəxsin ölkə daxilində xəstəxanalarda dünyasını dəyişdiyi bildirilib.
Romada elektrik şəbəkəsinin həddindən artıq yüklənməsi səbəbindən elektrik enerjisi fasiləsiz olaraq kəsilməyə davam edir.
İtaliya paytaxtının böyük bir hissəsində silsilə yanğınların baş verdiyi də bildirilib.
Bu gün 18 şəhərdə yüksək həyəcanlı vəziyyət qüvvədədir. İtaliyanın cənubunda temperaturun 40 dərəcəni keçəcəyi gözlənilir.
Milan və Venesiyanı birləşdirən magistral istilər səbəbindən bir neçə saat bağlanıb. Bir çox yerlərdə asfalt əriyib və yol işçilərinin təcili olaraq yolun səthini bərpa etmək üçün iş apardığı bildirilir.
çap et