Hollandiyanın Amsterdam şəhərində bəzi sürücülər parkinq haqqının qarşısını almaq üçün avtomobil nömrələrinin üzərini lent, kağız və ya digər materiallarla örtməyə başlayıblar. Lakin polis bu üsulun qanunsuz olduğunu və ciddi cərimələrə səbəb ola biləcəyini bildirir. Hollandiya qanunlarına görə, nömrənizi gizlətmək cinayət sayılır və cərimə 10 300 avroya qədər ola bilər.Bir çox başqa şəhərlərdə olduğu kimi Amsterdamda da parkinq haqları küçələrdə dolaşan “scanauto” adlı avtomobillərin skan edilməsi ilə avtomatik yoxlanılır. Bu avtomobillər park edilmiş avtomobillərin dövlət nömrə nişanlarını oxuyaraq ödənişin edilib-edilmədiyini yoxlayır. Nömrəni oxumaq mümkün deyilsə, cərimə də verilə bilməz. Bu vəziyyətdən sui-istifadə edən bəzi sürücülər avtomobil nömrələrini bilərəkdən gizlədirlər.
Amsterdamda işləyən məhəllə polisi öz sosial media hesabında yazıb ki, son vaxtlar belə hallar artıb. Bildirdi ki, bəzi insanlar parklanma icazəsi ala bilmədiklərinə görə bu üsula əl atırlar, bəziləri isə saatlıq pul ödəmək istəmir.
Səlahiyyətlilər bildirirlər ki, nömrələri oxunmayan avtomobillər “scanauto” vasitəsi ilə aşkar edildikdə, vəziyyət dərhal polisə bildirilir.
Məhəllə polisi bildirib ki, “Avtomobil sahibinə bunun cinayət olduğunu deyəndə təəccüblənirlər. Xüsusilə cərimənin 10.300 avroya qədər ola biləcəyini biləndə vəziyyətin ciddiliyini anlayırlar. Hə cərimə bununla bitmir. Bu məbləğə parklanma haqları və bələdiyyənin tətbiq etdiyi əlavə cərimələr daxil deyil”.
Əvvəllər avtomobilin nömrəsini gizlətməyə görə cərimə cəmi 150 avro idi. Lakin hüquqi tənzimləmə ilə bu məbləğ 70 dəfə artırılıb. Yenə də 10.300 avro qanunla müəyyən edilmiş maksimum həddir. Tətbiq ediləcək cərimənin məbləği pozuntunun xarakterindən asılı olaraq dəyişə bilər. Səlahiyyətlilər sürücüləri bu cür risklərdən uzaq durmağa və parkinq haqqını mütəmadi olaraq ödəməyə çağırır.
çap et