İtaliyanın Milan şəhəri yaxınlığında aşağı büdcəli hava yolları əlaqəsi təmin edən Berqamo Hava Limanı uçuş-enmə zolağında faciə baş verib. Naməlum şəxsin uçuş-enmə zolağında ölməsi səbəbindən hava limanı müvəqqəti bağlanıb. Sözügedən şəxs qalxma yolunda təyyarənin mühərrikinə sovrularaq dünyasını dəyişib.“Corriere Della Sera” qəzetinin məlumatına görə, ölən şəxsin sərnişin, hava limanının işçisi və ya kənardan gələn biri olduğu hələlik bəlli deyil.
İtaliya qəzetinin məlumatına görə, insident təyyarə parkinq zonasını tərk edərək havaya qalxmağa hazırlaşarkən manevr edərkən baş verib. Təxminən 35 yaşında olduğu deyilən şəxsin həmin vaxt təyyarəyə yaxınlaşdığı bildirilir.
Hava limanı təxminən iki saatlığına eniş yolunda problem səbəbindən uçuş əməliyyatlarının dayandırıldığını açıqladı. Hadisə ilə bağlı araşdırmalara başlanıldığı bildirilib.
çap et