“Samsung”, Nyu-Yorkda keçirilən “Unpacked” tədbirində “Galaxy Z Flip 7” modelini təqdim etdi. Pulqabı qədər incə korpusu, süni intellektlə gücləndirilmiş funksiyaları və Avropa bazarına uyğun münasib qiyməti ilə bu model həm gündəlik istifadə, həm də “stil nümayişi” üçün ideal seçimdir.Yeni “Z Flip 7”, qatlandıqda cəmi 13.7 mm, açıldıqda isə 6.5 mm qalınlıqda olur. 188 qram çəkisi ilə olduqca yüngüldür. 4.1 düymlük Super AMOLED xarici ekran 120 Hz yeniləmə sürəti ilə bildirişlər, musiqi idarəsi və sürətli gündəlik naviqasiya imkanı yaradır. Tam açıldıqda isə 6.9 düymlük “Dynamic AMOLED 2X” əsas ekran 2.600 nit parlaqlıq və 1-120 Hz adaptiv yeniləmə funksiyası ilə vizual təcrübəni zirvəyə daşıyır. Qurğu “Corning Gorilla Glass Victus 2” şüşəsi və IP48 sertifikatı ilə toz və su sıçramalarına qarşı qorunur.
“Galaxy Z Flip 7”, “Exynos 2500” prosessoru, 12 GB RAM və 256/512 GB yaddaş seçimləri ilə sürətli və sabit performans təklif edir. 4.300 mAh tutumlu batareya 25W sürətli şarjla 30 dəqiqəyə 50 faizə qədər doldurula bilir. Kamera blokuna gəldikdə, 50 MP əsas, 12 MP ultra geniş bucaqlı və 10 MP selfi kameraları süni intellektlə dəstəklənmiş çəkiliş imkanları təqdim edir. İstər Gəncə küçələri, istərsə də Bakı gecələri – bu kamera ilə hər detal aydın görünəcək.
“Google Gemini” dəstəyi ilə gələn “Z Flip 7”, “Circle to Search”, “Live Translate”, “Photo Assist” kimi imkanlarla gündəlik həyatınızı xeyli asanlaşdıracaq. “Android 16” və “One UI 8” interfeysi həm əsas, həm də xarici ekran üçün optimallaşdırılıb. “Knox Vault” və “Knox Matrix” texnologiyaları isə şəxsi məlumatlarınızı yüksək səviyyədə qoruyur.
“Galaxy Z Flip 7” kölgə mavisi, gecə qarası, mərcan qırmızısı və yalnız onlayn satılan nanə yaşılı rənglərdə təqdim olunur. 256 GB modeli 2750, 512 GB versiyası isə 3050 qiymət etiketi ilə satışa çıxarılıb. “Samsung”un rəsmi saytı vasitəsilə ön sifariş imkanlarından faydalanmaq mümkündür.
“Galaxy Z Flip 7” əsas xüsusiyyətləri:
Xarici ekran: 4.1 düym, 948 x 1048 px, “Super AMOLED”, 120 Hz, 2600 nit
Əsas ekran: 6.9 düym, 2520 x 1080 px, “Dynamic AMOLED” 2X, 1-120 Hz, HDR10+
Prosessor: “Exynos 2500”
Yaddaş: 12 GB RAM, 256/512 GB daxili yaddaş
Kamera: 50 MP əsas OIS, f/1.8 + 12 MP ultra geniş bucaq, f/2.2
Selfi: 10 MP, f/2.2
Batareya: 4.300 mAh, 25W sürətli şarj, simsiz şarj dəstəyi
Qoruma: “IP48”, “Gorilla Glass Victus 2”
Əlavə: 5G, “Wi-Fi”, “Bluetooth”, NFC, yan tərəfdə barmaq izi sensoru
Əməliyyat sistemi: “Android 16”, “One UI 8”
Süni intellekt: “Gemini”, “Circle to Search”, “Live Translate”, “Note Assist”, “Call Assist”, “Writing Assist” və “Photo Assist”
çap et