ABŞ Federal Ehtiyat Sisteminin (FED) Sent-Luis bölməsi rəhbəri Alberto Musalem, inflyasiyanın yuxarı istiqamətli risklər daşıdığını, lakin idxal tariflərinin qiymətlərə uzunmüddətli təsirinin olub-olmayacağını söyləmək üçün hələ tez olduğunu bildirib.Sent-Luis şəhərində keçirilən tədbirdə çıxış edən Musalem deyib: “Tarifələrin təsiri zamanla ortaya çıxacaq. Bu təsirin 2024-cü ilin son rübündə və ya 2025-ci ilin ilk iki rübündə davam etməsi ehtimalı mövcuddur”.
Musalem daha əvvəl verdiyi açıqlamada, tarifələrin iqtisadi artımı ləngidə biləcəyini və əmək bazarına mənfi təsir göstərəcəyini qeyd etmiş, siyasətçilərin inflyasiya gözləntilərini diqqətlə izləməli olduğunu vurğulamışdı.
Hazırda FED faiz dərəcələrini sabit saxlayır, lakin 2025-ci ilin ikinci yarısında faiz endirimlərinin miqyası ilə bağlı qərar verənlər arasında fikir ayrılığı yaranıb.
İyunun sonunda yayımlanan FOMC iclas protokollarına əsasən, bəzi üzvlər tarifələrin inflyasiyaya davamlı təsirindən narahatdır, digərləri isə bu addımların yalnız bir dəfəlik qiymət artımına səbəb olacağını düşünür.
Növbəti FED iclası 29–30 iyul tarixlərində keçiriləcək. Bazarlar ABŞ Mərkəzi Bankının sentyabr ayında faiz endirimlərinə başlaya biləcəyini gözləyir.
çap et