Almaniyada manqal məhsullarının qiyməti son beş ildə demək olar ki, iki dəfə artıb. Kərə yağı, çörək və ətin bahalaşması manqalı kefini əlçatmaz lüksə çevirib.
Yaz mövsümü ilə birlikdə manqal mövsümü də açılıb. Lakin marketə gedən istehlakçılar üçün bu əyləncəli ənənə indi ağır büdcə yükünə çevrilib.
Ət, sosis, tərəvəz və kahı kimi əsas manqal məhsulları son illərdə qiymətləri demək olar iki dəfə bahalaşmalarla lüks kateqoriyasına daxil olub.
Almaniyada son beş il ərzində ərzaq qiymətlərində davamlı artım baş verib. Xüsusilə 2024-cü ilin yayında bu artım manqal alış-verişində daha qabarıq hiss olunmağa başlayıb.
İstehlakçılar manqal menyusu hazırlamaq üçün əvvəlki illərlə müqayisədə xeyli yüksək məbləğ ödəməli olurlar. Əlçatan hesab edilən məhsulların yerini indi bahalı və ehtiyatla alınan seçimlər tutur.
***
Statistikaya görə, kərə yağında təxminən 50 faiz, çörək və ət məhsullarında 38 faiz bahalaşma olub.
Ət məhsullarında qiymətlər daha da kəskin artıb – mal əti 46 faiz, donuz əti 35 faiz bahalaşıb. Bu göstəricilər manqal xərclərində açıq-aydın görünür.
Artıq spontan manqal planı belə detallı hesablamalar tələb edir. Həm əsas məhsullar, həm də qarniturlar üzərindəki qiymət təzyiqi yaz aylarının sevilən bu tədbirini bir çox ailə üçün əlçatmaz edir.
Xüsusilə az gəlirli əhali bu yay manqal zövqündən uzaq durmağı üstün tuturlar.
çap et