Fransız sürücülər 2025-ci ildə avtomobil təmiri xərclərində rekord səviyyəli artımla üzləşirlər. Mənbələrin bildirdiyinə görə, təmir qiymətləri ötən il ilə müqayisədə 5–12 faiz yüksəlib və bir çox sadə xidmətlər belə ciddi büdcə yükünə çevrilib.
Əyləc yağının dəyişdirilməsi, mufta təmiri kimi ənənəvi xidmətlər əvvəllər bir neçə yüz avroya başa gəlirdisə, indi bu məbləğ iki dəfə çoxalıb. Ehtiyat hissələri qiymətlərinin artımı, elektron sistemlərin mürəkkəbliyi və ustaların çatışmazlığı – bütün bunlar yekun hesabda fantastik rəqəmlərlə yekunlaşır.
***
Yeni nəsil avtomobillərdə quraşdırılan qabaqcıl elektron sistemlər təmiri çətinləşdirir. Xüsusi diaqnostika avadanlığı və daha çox iş vaxtı tələb edən texnologiyaların xərci qiymətlərə əlavə olunur.
Qlobal inflyasiya və xammal bazarında narahatlıqlar ehtiyat hissələrinin maya qiymətini qaldırıb. Tələb çox olanda, xüsusi hissələrin qiyməti daha da şişir.
Peşəkar mexaniklərin sayı azalır, buna görə qalan ustalarda iş sıxlığı yaradır və qiymətlər süni surətdə artır. Uzun iş vaxtı nəticəsində işçilik haqqı da əvvəlkindən yüksək olur. Həmçinin, bəzi qarajlar yeni kadr cəlbi üçün təlim və avadanlıqlara əlavə xərclər qiymətlərdə özünü göstərir.
Hər təmir işindən öncə ən azı iki fərqli servisdən qiymət soruşun. Eyni iş üçün yüzlərlə avro fərq ola bilər.
Ehtiyat hissələrinin orijinallığını dəqiqləşdirin. İşçilik və zəmanət şərtləri buna görə dəyişir.
Rutin texniki baxışları gecikdirməyin. Vaxtında edilən baxışlar daha böyük və bahalı nasazlıqların qarşısını alır.
Avtomobili yumşaq və diqqətli idarə etmə tərzi qismən də olsa avtomobilin ömrünü uzatmağa kömək edir.
çap et