ABŞ Ticarət Naziri Havard Lutnik bazar günü etdiyi açıqlamada, Amerika Birləşmiş Ştatları ilə Avropa Birliyi arasında ticarət razılaşmasının əldə edilə biləcəyinə əmin olduğunu bildirdi və 1 avqustun gömrük tariflərinin qüvvəyə minməsi üçün son tarix olduğunu vurğuladı.
Lutnik, Avropadakı ticarət danışıqlarında iştirak edən rəsmilərlə telefon əlaqəsi qurduğunu və razılaşmaya çatmaq üçün geniş imkanlar olduğunu ifadə etdi.
ABŞ Ticarət Nazirinin sözlərinə görə, “Dünyanın ən böyük iki ticarət tərəfdaşı aktiv şəkildə dialoqu davam etdirir. Biz razılığa gələcəyik və bu, mütləq olacaq”.
ABŞ Prezidenti Donald Tramp isə 12 iyul tarixində etdiyi açıqlamada Meksika və Avropa Birliyindən idxalata avqustun 1-dən etibarən 30 faiz gömrük vergisi tətbiq ediləcəyini bildirmişdi. Bu bəyanat, ABŞ-ın əsas ticarət tərəfdaşları ilə uzun müddət davam edən müzakirələrin genişmiqyaslı razılaşma ilə nəticələnməməsi sonrası səsləndirilmişdi.
Lutnik bu tarixin “qəti son tarix” olduğunu bir daha təsdiqləyərək, ticarət danışıqlarının bu tarixədək nəticələnməsinin vacibliyini vurğuladı.
çap et