Gümüş qiymətində son zamanlar baş verən tarixi yüksəlişin ardından bir çox maliyyə qurumu 2025-ci ilin sonu üçün proqnozlarını açıqlayıb. Gümüşün 39,05 ABŞ dollarına çatması investorların diqqətini cəmləyib və iyul ayında paylaşılmış yeni qiymət gözləntiləri belədir:
“Citigroup” analitikləri 21 iyulda yayımladıqları hesabatda gümüşün ilin sonunda 42 dollara qədər yüksələcəyini proqnozlaşdırır.
“JP Morgan” 18 iyulda etdiyi paylaşımda gümüşün ilin sonuna qədər 39,3 dollara çatacağını gözləyir.
“Westbank Banking” də gümüşün yüksəlişini dəstəkləyir və qiymətin ilin sonunda 39,9 dollara qədər qalxacağını ehtimal edir.
İtaliya mənşəli “MPS Capital Services” isə əks fikirdədir. Onların proqnozuna görə, gümüş ilin sonunda 38 dollara düşə bilər.
Almaniyanın “Commerzbank” və Böyük Britaniyanın “Standard Chartered PLC” bankları da gümüşün il sonuna qədər 37 dollara qədər geriləyəcəyini bildirir.
Bundan əlavə, iyul ayında proqnozlarını açıqlayan və gümüşün 35 dollar və aşağı səviyyədə qalacağını düşünən dörd şirkət də var: “Peel Hunt LLP” (35 dollar), “Market Risk Advisory Co.” (34,8 dollar), “Panmure Liberium” (33,5 dollar) və “ING Groep NV” (31,5 dollar).
çap et